1Kana o cezar o Tiberija vladisada po rimsko carstvo dešupanđto berš, thaj o Pontije o Pilat o sudija vladisada ani Judeja, thaj o Irod vladisada ani Galileja, thaj o Filip leso phral vladisada ani Itureja thaj ani Trahonitada, thaj o Lisanije vladisada ani Avilina,
2a bare sveštenikura sesa o Ana thaj o Kajafa, thaj o Dol bičhalda po lafi e Jovanese e Zaharijase čhavese ani pustinja.
3O Jovane đelo taro than đi ko than tare solduj riga tari len e Jordanesi, vačarindoj kaj e manuša trubul te irin pe tar pe grehura thaj te aven ko Dol te oprostil lenđe, thaj te krstin pe.
4Sar so pisisada o proroko o Isajia, o Jovan sasa: “O glaso koleso so dol vika ani pustinja: “Čeren o drom e Rajose! Ravnin lese o drom!”
5Sa e doline te pherdon, thaj sa e gore thaj e bregura nek ravnin pe, thaj sa e banđe droma te aven prava, a e bilačhe droma te aven ravnome.
6Thaj sa e manuša ka dičhen e Devleso spasenje!”
7O Jovane vačarda e manušenđe save avena te krstil len: “Tumen e sapese Čhave! Ko vačarda tumenđe kaj šaj te našen tare Devlesi holi so avol?
8Sikaven tumare đuvdimasa thaj tumare bućencar kaj irisajljen taro greh thaj aviljen anglo Dol! Ma hohaven tumen golesa so vačaren: “Amaro Dad si o Avraam!” Golese vačarav tumenđe kaj o Dol šaj tar kala bara vazdol čhaven e Avraamese.
9Golese kaj o tover tare Devleso sudo ačhol ano kaš karo koreno, thaj svako kaš savo ni bijanol šukar bijandipe ka čhinol pe, thaj ani jag ka čhudol pe.”
10Thaj e manuša pučhlje e Jovane: “So te čera?”
11A o Jovane vačarda lenđe: “Kas isi duj fostanura nek dol jekh kolese so najle nijekh, thaj kas isi hamase nek dol okole kas naj.”
12Avile te krstin pe thaj i e carincura thaj pučhlje le: “So te čera amen?”
13A o Jovane phenda lenđe: “Ma manđen po but nego so vačardo si tumenđe taro vlast.”
14A e vojnikura pučlje le: “Amen so te čera?” Thaj vačarda lenđe o Jovane: “Khanikastar ma len silasa e pare thaj ma čeren hohajpe pe nikaste thaj tumare počinimasa aven bahtale.”
15E manuša ađučarde e Mesija i savore pučlje pe ane pe ile naj li o Jovan o Mesija.
16Thaj o Jovane vačarda savorenđe: “Me krstiv tumen pajesa, al avol khoni savo si po baro mandar, kase naj sem dostojno lese sandale te putrav. Vov ka krstil tumen e Svetone Duxosa thaj jagasa.
17Le isi vila ane vasta, thaj ka čistil o gumno i ka čidol o điv an po ambari, a i pleva ka phabarol jagasa savi ka phabol thaj ni ka ačhol.
18Thaj gija but aver lafura vačarda o Jovane e narodose sar te teril len te pokajin pe thaj phenda lenđe o lačho lafi.
19Thaj o Jovane prekorisada e Irode e vladare tari Galileja golese so lija romnjaće pe phralese romnja e Irodijada, thaj zbog but bilačhe buča so čerda
20pale sa gova o Irod i kava phenda: “Čhuven e Jovane ano phanglipe.”
21Thaj kana o Jovane krstisada sa e manušen, thaj i o Isus krstisajlo, i dok o Isus molisajlo, putajlo o nebo,
22thaj o Sveti Dux ulilo pe leste ano oblik sar golubo, thaj šundilo glaso taro nebo: “Tu san mo čhavo o manglo. Tu san pale mingro manglipe!”
23Thaj e Isuse sasa le paše tranda berš kana počnisada pi buči thaj e manuša smatrisade kaj si o Isus, čhavo e Josifeso. O Josif sasa čhavo e Ilijaso.
24O Ilija sasa čhavo e Matataso, O Matata sasa čhavo e Levijaso. O Levi sasa čhavo e Melhijaso. O Melhi sasa čhavo e Janejaso. O Janaj sasa čhavo e Josifeso.
25O Josif sasa čhavo e Matatijaso. O Matatij sasa čhavo e Amoseso. O Amos sasa čhavo e Naumeso. O Naum sasa čhavo e Eslijaso. O Eslija sasa čhavo e Nangejeso.
26O Nangej sasa čhavo e Maateso. O Maata sasa čhavo e Matatijaso. O Matatija sasa čhavo e Semeinaso. O Semein sasa čhavo e Josiheso. O Josih sasa čhavo e Jodaso.
27O Joda sasa čhavo e Joanaso. O Joanan sasa čhavo e Risaso. O Risa sasa čhavo e Zorovaveleso. O Zorovavel sasa čhavo e Salatiilaso. O Salatiil čhavo e Nirijaso.
28O Niri sasa čhavo e Melhijaso. O Melhije sasa čhavo e Adijeso. O Adije sasa čhavo e Kosamaso. O Kosam sasa čhavo e Elmadameso. O Elmadam sasa čhavo e Iroso.
29O Ir sasa čhavo e Isuseso. O Isus sasa čhavo e Elizereso. O Elizer sasa čhavo e Jorimaso. O Jorim sasa čhavo e Matatoso. O Matata sasa čhavo e Leviso,
30O Levi sasa čhavo e Simeoneso, O Simeon sasa čhavo e Judaso. O Juda sasa čhavo e Josifeso. O Josif sasa čhavo e Jonameso. O Jonam sasa čhavo e Eliakimeso.
31O Eliakim sasa čhavo e Melejeso. O Meleja sasa čhavo e Menineso. O Mena sasa čhavo e Matateso. O Matata čhavo e Nataneso. O Natan sasa čhavo e Davideso.
32O David sasa čhavo e Jesejaso. O Jesej sasa čhavo e Jovideso, O Jovid sasa čhavo e Voozeso. O Vooz sasa čhavo e Salmoneso. O Salmon čhavo e Naasoneso.
33O Naason sasa čhavo e Aminadaveso. O Aminadav sasa čhavo e Admineso. O Admin sasa čhavo e Arinijeso. O Arni sasa čhavo e Esromeso. O Esrom sasa čhavo e Fareseso. O Fares sasa čhavo e Judaso.
34O Juda sasa čhavo e Jakoveso. O Jakov sasa čhavo e Isakoso. O Isak sasa čhavo e Avraameso. O Avraam sasa čhavo e Tarajeso. O Tara sasa čhavo e Nahoreso
35O Nahor sasa čhavo e Seruheso, O Seruh sasa čhavo e Ragaveso. O Ragav sasa čhavo e Falekoso. O Falek sasa čhavo e Evereso. O Ever sasa čhavo e Salaso.
36O Sala sasa čhavo e Kainaneso. O Kain sasa čhavo e Arfaksadeso. O Arfaksad sasa čhavo e Simeso. O Sim sasa čhavo e Nojeso. O Noje sasa čhavo e Lamehoso.
37O Lameh sasa čhavo e Matusalaso. O Matusala sasa čhavo e Enoheso. O Enoh sasa čhavo e Jareteso. O Jaret sasa čhavo e Maleleileso. O Malaleil sasa čhavo e Kainameso.
38O Kainam sasa čhavo e Enoseso. O Enos sasa čhavo e Siteso. O Sit sasa čhavo e Adameso. O Adam sasa čhavo e Devleso.
