1Thaj kana dija o Isus ano foro Jerihon, dok nakhlo gothar,
2avilo nesavo manuš so akhardola Zakhej, savo sasa šerutno e carincurengo, thaj sasa barvalo.
3Thaj manglja te dičhol e Isuse, te dičhol ko si vov, thaj naštine tare manuša, golese kaj sasa cikno.
4Thaj prastaja anglal, uštilo pi divljo smokva te dičhol le, golese kaj đanglja kaj o Isus ka načhol gothar.
5Thaj kana avilo o Isus ke gova than, dikhlja le upre, thaj vačarda lese: “Zakhej! Ulji sigate! Avđive trubul te avav ane ćo čher.”
6Thaj o Zakhej sigate ulilo taro kaš, thaj anda le an po čher radosno.
7Thaj savore, kana dikhlje e Isuse, vačarde maškar peste kaj avilo ano čher e grešnikose.
8A o Zakhej ačhilo thaj vačarda e Rajose: “Rajo! Ak opaš mo barvalipe ka dav e čororenđe, thaj ako nekas phabardem ka iriv lese štar droma po but.”
9A o Isus vačarda lese: “Avilo avđive spasenje kale čherese, golese kaj si i kava čhavo e Avraameso!
10Golese kaj me o Čhavo e Manušeso aviljem te rodav thaj te spasiv so si hasardo.”
11But manuša gova šunde thaj o Isus vačarda lenđe vađi jekh paramič, golese kaj sesa pašo Jerusalim, thaj dije gođi kaj akana ka avol o carstvo e Devleso.
12Vačarda gijate: “Jekh manuš tari prešundi familija đelo ani durutni phuv te postavin le zako caro, thaj te iril pe.
13Akharda gija dešen piren slugen thaj dija len po opaši kila rupuno, thaj vačarda lenđe: 'Trgujin sa đi kaj ni avav.'
14A e manuša tar lesi phuv ni manglje le thaj bičhalde pe manušen te vačaren e po bare carose: 'Ni manga vov te caruil pe amende.”
15Thaj kana irisajlo sar caro, vačarda te akharen okolen slugen kase dija o rupunipe, te dičhol so čerde.
16Tegani avilo o angluno thaj vačarda: 'Barutneja! Ćerdem deš droma po but nego so dijan ma.'
17Thaj vačarda lese o caro: “But šukar. Tu san šukar sluga! Kana sana manđe šukar ko cikno ak davtu te ave pe deš forura embaro.'
18Thaj avilo o dujto thaj vačarda: “Barutneja! Ćerdem panđ droma po but nego so dijan ma.”
19'Šukar! Tu av embaro pe panđ forura.'
20O trito avilo thaj vačarda: “Barutneja! Ake ćo rupunipe. Garadem le ano kotor e šejengo
21golese kaj daraljem tutar. Golese kaj san zuralo manuš. Le so naj ćiro, thaj čide so ni sejisadan.”
22A o caro vačarda lese: “Pal će lafura ka sudiv tut, bilačheja slugo! Đangljan kaj sem zuralo manuš, kaj lav okova so naj mingro, thaj čidav so ni sijisadem?
23Pa sose ni dijan o srebro e trgovconenđe, thaj me kana ka avav ka čidav gova kamatencar?
24Thaj vačarda kolenđe so ačhile angle leste: “Len gova rupunipe lestar thaj den le okolese so isile deš rupune.
25Thaj vačarde lese: “Barutneja! Le isi le panđ kile rupuno.”
26A o caro vačarda lenđe: 'Golese kaj vačarav tumenđe kole so isi ka dolpe lese, a kole so naj ka lolpe lestar i okova zala so isi le.
27A kolen me dušmajen, save ni manglje te avav lengo caro pe lende, anan len akari, thaj čhinen len angle mande.”'
28Thaj kana vačarda lenđe gova o Isus đelo anglal, thaj đelo upre ano foro Jerusalim.
29Kana avile pašo foro Vitfaga thaj o foro Vitanija pašo brego savo akhardola Maslinsko, bičhalda pe dujen sikaden.
30Vačarda: “Đan ane gova gav angle tumende, thaj ka aračhen cikne here phanglo pe savo nijekh manuš ni uklilo. Putren le thaj anen le.
31Thaj ako khoni pučol tumen: 'Sose putren le?' gija vačaren lese: “E Rajose trubul.'”
32Kana đele, arakhlje sar so vačarda lenđe o Isus.
33A kana phutarde e cikne here pučlje len e manuša kaso sasa o cikno her: “Sose putren e cikne here?”
34A von vačarde: “E Rajose trubul.”
35Thaj ande le ko Isus, thaj čhute pe fostanura po cikno her, thaj bešljarde e Isuse pe leste.
36Thaj kana đelo o Isus nakaro Jerusalim, e manuša čute pe fostanura ko drom te den čast e Isusese.
37Kana avilo pašo than kaj počnil o brego o Maslinsko, lije but sikade te raduin pe thaj te hvalin e Devle taro jekh glaso so dikhlje e čudesura.
38Vačarde: “Blagoslovimo o caro savo avol ano alav e Rajoso! Mir ko nebo thaj slava ko učipe!”
39Thaj nesave fariseja save sesa maškare manuša vačarde lese: “Učitelju! Vačar će sikadenđe te na phenen gova!”
40Thaj o Isus vačarda lenđe: “Phenav tumenđe, ako von khanči ni vačaren, e bara ka vačaren!”
41Thaj kana avilo o Isus pašo Jerusalim dikhlja o foro thaj ruja lese.
42Vačarda: “O, so bi mangava i tu avđive te đane so ka anol će mir! Akana si kasno i o mir garado tutar.
43Golese kaj ka aven e đivesa kana e dušmanura ka vazden tuće bare duvara, ka opkolin tut thaj ka čičiden tut tare sa e riga.
44Von ka uništin tumaro foro thaj tumen savoren. Thaj ni ka ačhaven nijekh bar ko leso than, golese kaj ni đangljan o vreme kana avilo tute o Dol.”
45Thaj kana dija ano Hramo o Isus lija te tradol kolen save bičinena, ane leste thaj činena.
46Vačarda: “Ano Sveto Lil ačhol: 'Mo čher ka avol čher e molitvako', a tumen čerden 'čher kaj garaven pe e čora.'”
47Thaj o Isus sikada ano Hram. Thaj e šerutne e sveštenikurenđe, e učitelja tare Mojsijaso zakono katane e manušenđe šerutnencar dikhlje sar te mudaren e Isuse.
48Al ni arakhlje so te čeren lese, golese kaj sa e manuša đana pale leste, thaj šunde sa lese lafura.
