Luke 18:14-42

¹⁴Mi hla yiwu, igu hi a kma hi kpama ni si suron zan ndi rima'a, nitu ndji wandi a nzu tuma hi shu, ba gbron grji, i wandi a ban tuma grji (nitu ana kpe na) ba nzu hi shu.”

¹⁵Ndji ba basi'a nji mri tsitsa ni du sa wo ni tu mba, i mri koh bi nduma ba to ba nda puaha tre.

¹⁶I Yesu a yo ba ye ni kpama nda tre ndi, “Du mri bi tsitsa ba ye nime, na zu ba na. Ikoh Irji ni shulu a wu biwa ba he to mba.

¹⁷Tre njanji, ndji wa na kpa ikoh Irji to mri bi tsitsa na, ana ri mi na.

¹⁸I chu mba ri a mye ndi, “Ticha ndindi, mi tie ngye ri ni kpa ko Irji?”

¹⁹Yesu a hal wu ndi, “Nitu ngye wu yome ndji ndindi? Ndrjo na ndindi na se Irji kankle ma.

²⁰Bi toh doka Irji na tie nka na, na wu ndji na, na y'bi na, na nu sheda che na, wo tre time mba yime.”

²¹Ichu a tre ndi “Mi zi hu kpi bi mba wawuu rhi ni nzemu.”

²²Yesu a woo nda tre ndi ikpe riri rhi don, hi le ni kpi wandi wu he niwu ni gah ni bi ya, i wu he ni lada ni shulu, ni ye huma.”

²³Ni wa ichu a wo tre, a loh suron kpukpome, nitu ana ndji wu wo.

²⁴Ni wa Yesu a toh kma ti gbon me ni lo suron (gbugbu chiche tre vunvu ni Greek ba sa tu tre ndi a kma ta lo suron/ama gbugbu bari bana he ni lan kima na), a tre ndi, “Ani he ni du du ndi wu wo du rhi ni koh Irji.

²⁵A he ni du ni ndi wu wo du ri ni koh Irji, zan du ra kumi ri zu ni shishi n'ro.”

²⁶Bi wa basi'a wa'a ba tre ndji. “I nha ni nawo?”

²⁷Yesu a sa ndi “Ikpi wa ba he ni iya tie ni ndji bana he ni iya ni Irji na.”

²⁸Bitrus ngame a tre ndi, “Toh, ki bri wawu kpi mbu ndi hu.”

²⁹Yesu a kma tre ni ba ndi “Njanji, mi hla yiwu, ba ndji wa a don ikoh ma, ko wama, ko mri vayi ma, ko ba ti ma, ko ni mri ma nitu ikoh Irji,

³⁰wandi ana kpa zan zizan na, ni vi ye, i vri rji wu sisenise.”

³¹A yo ndji wlon-don-ha ba ye ni kpama nda hla bawu ndi, “Toh, ki si yi ni Wurushelima, i wawu kpi wa anabawa ba tere nitu Vren Ndji'a ba tie toki.

³²Ba banwu nu biwa bana mri Israila na, ba nzau, nda nu shan nda ju nte sru niwu.

³³Ba ti tsiwu, ba wuu, i ni vi wu tra ani lunde.”

³⁴Ba na mla to ikpi biyi na, i lan tre ana ri nibawu, niki bana mla toh ikpi wa a tre na.

³⁵Niwa Yesu a ye wiewire ni Yeriko ndji wu infyen ri a son si bre ni nyu nkon,

³⁶ni wo kpaa ndji basi zren ni zu whiwhre niwu, a mye ka ngye si zren.

³⁷Ba hla wu ndi Yesu wu Nazarat-akasi hi.

³⁸Ndji wu infyen a yra gro nda hla ndi, “Yesu Vren Dawuda, ya me ni lo suron.”

³⁹Bi wa bisi'a zren ni ko shishi ba puatre ni ndji wu infyen nda hla niwu du son gbangbi. A kama nda si kpa gro ndi, “Vren Dawuda, ya me ni lo suron.”

⁴⁰Yesu a kri kpenme nda nu tre du ba ji igu'a ye niwu. Niwa ndji wu infyen a ye whiwhre, Yesu a mye ndi,

⁴¹“Wu son du mi ti ngye ni wu?” A tre ndi, “Bachi, mi son toh ni shishi mu.”

⁴²Yesu a hla niwu ndi, “Kpa toh ni shishi me, kpanyime me a nu si kpa.