Kʋtɔɔsʋtʋ II 27

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Yotɑm lʋlʋɣʋ pɩɩsɩ hiu nɑ kɑkpɑsɩ nyǝŋkɑ tɑɑ kɛ́ ɩ tɔɣɔ kɑwulɑɣɑ kɛ Yosɑlɛm kɛ́ pɩɩsɩ nɑɑnʋwɑ nɑ nɑɑtoso. Ɩ too kɛlɛ kɔtʋlʋ Sɑtɔkɩ pɛɛlɔ. Pɑ yɑɑkɑɣɑ-ɩ sɩ Yelusɑ.

²Ḿpʋ́ɣʋ́ Yotɑm lɑpɑ mpi pǝ mɑɣɑ Tɑcɑɑ tɔ. Ɩ lɑkɑɣɑ teitei kɛ́ ɩsɩɩ ɩ cɑɑ Osiyɑsɩ. Ɩlɛ ɩ tɑ sʋʋ Ɩsɔ tǝsɛɛlɛ tɑɑ kɛ́. Pɑɑ nɑ mpʋ tɔ, yǝlɑɑ tɑ lɑɣɑsɩ pɑ tɔntɛ.

³Yotɑm ŋmɑnɑ Ɩsɔ tǝsɛɛlɛ ɩsɔtɑɑ nɔnɔɣɔ nɑ ɩ́ nyɔɔsɩ koluŋɑ lonɑ pɑɣɑlɛ kɛ Ofɛlɩ hɔɣɔlʋɣʋ tɑɑ.

⁴Ḿpʋ́ɣʋ́ ɩ ŋmɑwɑ ɑcɑlɛɛ kɛ Yutɑ pulɑsɩ tɑɑ. Nɑ kutuluŋ toŋ nyǝŋ nɑ tǝtɑŋlɛnɑɑ kɛ hɔtʋŋ tɑɑ.

⁵Ḿpʋ́ɣʋ́ Yotɑm yoonɑ Amoni nyǝ́mɑ nɑ ɩ́ kǝlɩ-wɛ. Nɑ pɛlɛ pɑ́ fɛlɩ-ɩ liɣitee nyǝɣǝtʋ kɛ tɔɔnǝnɑɑ tooso, nɑ tɔɣɔnɑɣɑ pee kɛ tɔɔnǝnɑɑ iyisi nɑɑtoso (6000).

⁶Ɩlɛnɑ Yotɑm toŋ sɔɔsǝɣɩ nɑ pǝ́ puki. Mpi tɔ, ɩ tǝŋɑɣɑ Ɩsɔ Tɑcɑɑ kɛ teu kɛ́.

⁷Pɑ kɛɛsɑ Yotɑm yooŋ nɑ ɩ tǝmɑ pǝ tɔm kɛ Ɩsɛɣɛlɩ nɑ Yutɑ pǝ ɑwulɑɑ tɑkǝlɑɣɑ tɑɑ.

⁸Yotɑm lʋlʋɣʋ pǝnɑɣɑ hiu nɑ kɑkpɑsɩ nyǝŋkɑ tɑɑ kɛ́ ɩ tɔɣɔ kɑwulɑɣɑ. Yosɑlɛm kɛ ɩ tɔɣɔ kɑwulɑɣɑ kɛ pɩɩsɩ nɑɑnʋwɑ nɑ nɑɑtoso.

⁹Wɑɑtʋ wei ɩ sǝpɑ, ɩlɛnɑ pɑ́ pimi-ɩ Tɑfiiti tɛ. Ɩlɛnɑ ɩ pǝyɑlʋ Ahɑsɩ lɛɛtɩ ɩ lonte.