2 Crónicas 27

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Jotam birga-dulagwen-gakatar-nikadgi (25) yar-sealid. Jerusalénʼgi birgambe-gakanergwa (16) yar-sesad. E-nandi Jerusaʼye-nugad Sadoc-e-sisgwad.

²Jotam, Bab-Jehováʼga ibmar-nueganbi imakdii gusad, bela e-bab-Uzías-ibmar-imaksayobi, imaksamogad. Degi-inigwele, Jotamʼdi, Bab-Jehováʼse-goled-negyaba dogsasur gusad. Dulemardina, bur bule igar-isganaba nanabukwa gusad.

³Rey-Jotam we-negmar sobsad: Bab-Jehováʼse-goled-neg-Yawagak-Nakwaled. Degi, yar-Ofelʼye-nugad-birgi galu-matusulid sobsad.

⁴A-ukinbali, Judá-yar-mullugangi neggweburmar urbisbalid, degine, sapurba neg-gandikmalad sobsabalid, degi, galu-matusurmalad-warakwagwad sobsabalid.

⁵Rey-Jotam, Amón-dulemar-e-reygi-bila-onosad. Jotam egi nakwisad. Degine, a-birgagi Amón-dulemar weyob mani-galeged bennuksad: Mani, nibir-miligugle gaka dulataled-ilabo gaka dulapaa-mergue (7,260) Rey-Jotamʼga uksad. Oros-gwagyob-dakleged-trigo, sagu-dummagan-miliambe (10,000) uksabalid. Orosgisaar-daklebalid-cebada, sagu-dummagan-miliambe (10,000) uksabalid. Amón-dulemar, birgabogwadgi amba deyob ibmarmar uksabalid, degi, birgapaagwadgi amba deyob ibmar uksabalid.

⁶Jotam gandik-megnonisunnad, ar ade, nue-inniki e-Bab-Dummad-Jehováʼba nanasad.

⁷Jotam bela e-ibmar-imaksad, degi, bila-onosad, e-nanasad, Israel-reymar-e-gardagi, degi, Judá-reymar-e-gardagi narmakar maid.

⁸Jotam birga-dulagwen-gakatar-nikadgi (25) yar-sealid, degi, Jerusalénʼgi birgambe-gakanergwa (16) yar-sesad.

⁹Jotam burgwenonigua, David-neggweburgi e-dadgan-mamaidgi digsamarmogad. A-sorba, e-machi-Acaz yar-seega megnonikid.