Kʋtɔɔsʋtʋ II 10

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Ḿpʋ́ɣʋ́ Lʋpʋwɑm polɑ Sikɛm. Mpi tɔ, tǝnɑɣɑ Ɩsɛɣɛlɩ kpekɑ nnɑ ɑ wɛnnɑ ilim ntɔɣɔŋ tɔɔ tɔ, ɑ kotɑɑ sɩ ɑ kpɑɑkɩ-ɩ wulɑʋ.

²Wɑɑtʋ ɩnɩ tɔ, Nepɑtɩ pǝyɑlʋ Selopʋwɑm wei ɩ kɑ sewɑ wulɑʋ Sɑlʋmɔŋ nɑ ɩ́ cɔɔsɩ Icipiti tɔ ɩ wɛ tǝnɑɣɑ tɑm. Ɩ nɩɩwɑ Sikɛm kotuɣu ŋkʋ kʋ tɔm, ɩlɛnɑ ɩ́ lɩɩ Icipiti nɑ ɩ́ kpe.

³Ḿpʋ́ɣʋ́ pɑ tilɑ ɩ wɑɑlɩ nɑ ɩ́ kɔɔ nɑ ɩ́ sɔɔsɩ Ɩsɛɣɛlɩ tɛtʋ ilim ntɔɣɔŋ kpekɑ tɔɔ, nɑ pɑ́ yɔɣɔtɩ Lʋpʋwɑm sɩ:

⁴Nyɑ́ cɑɑ kɑ lɑkɑɣɑ-tʋɣʋ ɩsɩɩ yomɑɑ, ye nɔɔnɔɔ nyɑɑ pɑsɑ tɑ sǝɣǝlɑ wenɑ ɑ nɩɩ-tʋɣʋ ɩsǝntɔ tɔ, tɑ́ sɔɔlʋ pɩɩwɑ sɩ tǝ́ lɑ-ŋ tǝmlɛ.

⁵Mpʋɣʋlɛ Lʋpʋwɑm sɩ: Ɩ́ tɑŋ nɑ kʋyɛɛŋ tooso tɛɛ, ɩlɛnɑ ɩ́ kɔɔ nɑ tǝ́ nɑ́. Ḿpʋ́ɣʋ́ yǝlɑɑ tɛɛwɑ.

⁶Ntɛnɑ Lʋpʋwɑm pɔɔsɩ sɔsɑɑ mpɑ pɑɑ wɛ ɩ cɑɑ cɔlɔɣɔ wɑɑtʋ wei ɩ́lɛ́ ɩ kɑ wɛnɑ ɩ weesuɣu tɔ sɩ: Suweɣe mɑ́ cɔ yǝlɑɑ mpɛ?

⁷Nti pɑ cɔ-ɩ tɔɣɔlɛ sɩ: Ye n lɑkɩ yǝlɑɑ mpɛɣɛ kʋpɑntʋ nɑ ń mʋɣɩ-wɛɣɛ teu nɑ ń yɔɣɔtǝɣǝnɑ-wɛɣɛ tɔm leleŋ nyǝntʋ. Pɑɑ wɛɛ nyɑ́ tǝmlɛ nyǝ́mɑ kɛ tɑm tɔɔ kɛ́.

⁸Amɑ Lʋpʋwɑm tɑ mʋ sɔsɑɑ lɑɣɑtʋ tɑsʋɣʋ mpɩ. Ɩlɛnɑ ɩ́ polo ɩ́ pɔɔsɩ ɩ mɑlɑnɑɑ ɩfepiyɑ mpɑ pɑ wɛ ɩnɩ ɩ kiŋ tɔ sɩ:

⁹Yǝlɑɑ mpɛ sɩ mɑ́ pɑsɑ-wɛɣɛ sǝɣǝlɑ nnɑ mɑ cɑɑ kɑ sʋkɑ-wɛ tɔ. Ɩlɛ mɑ́ cɔ-wɛ suwe?

¹⁰Mpʋɣʋlɛ Lʋpʋwɑm ɩfepu tɔɣɔntǝlɛnɑɑ mpɛ pɑ tɔmɑ sɩ: Cɔ-wɛ sɩ, mpɑlʋm tɑ kisi-mɛɣɛ tɔɣɔʋ, kɑcɑŋfɑnɑ pɔɣɔ nɑ?

¹¹Mpʋ tɔ, sǝɣǝlɑ yuŋ nyǝnɑ kɛ mɑ cɑɑ kɑ sʋkɑ-mɛ, mɑɑ sɔɔsɩ-mɛɣɛ sǝɣǝlɑ lɛnnɑ tɔtɔ. Hikɑsɩ kɛ mɑ cɑɑ hɔmnɑ mǝ ŋkpɑŋŋ. Amɑ mɑɑ hɔ mǝ nyǝŋ nɑ hikɑsɩ nsi sɩ tɔɔ wɛ nyǝmɑ́ tɔ.

¹²Ḿpʋ́ɣʋ́ Selopʋwɑm nɑ yǝlɑɑ pɑ mǝlɑ Lʋpʋwɑm kiŋ kɛ kʋyɛɛŋ tooso wule, ɩsɩɩ ɩ kɑ heeluɣu-wɛ tɔ.

¹³Nɑ wulɑʋ kisi lɑɣɑtʋ nti sɔsɑɑ kɑ tɑsɑ-ɩ tɔ, nɑ ɩ́ holinɑ yǝlɑɑ

¹⁴ɩsɩɩ ɩfepiyɑ kɑ tɑsʋɣʋ-ɩ lɑɣɑtʋ tɔ sɩ: Sǝɣǝlɑ yuŋ nyǝnɑ kɛ mɑ cɑɑ kɑ sʋkɑ-mɛ. Mɑɑ sɔɔsɩ-mɛɣɛ sǝɣǝlɑ tɔtɔ. Hikɑsɩ kɛ mɑ cɑɑ hɔmnɑ mǝ ŋkpɑŋŋ. Amɑ mɑɑ hɔ mǝ nyǝŋ nɑ hikɑsɩ nsi sɩ tɔɔ wɛ nyǝmɑ́ tɔ.

¹⁵Ḿpʋ́ɣʋ́ wulɑʋ Lʋpʋwɑm kisɑ yǝlɑɑ kʋsǝlǝmʋtʋ. Ɩlɛ Tɑcɑɑ Ɩsɔ kɑ lɑpǝnɑ mpʋ. Ɩlɛnɑ pǝ́ lɑ́ ɩsɩɩ Ɩsɔ kɑ sɩɩʋ Ɩsɔ kʋyɔɣɔtʋtʋ tɛlǝsʋlʋ Ahiyɑ kɛ nɔɣɔ sɩ ɩ́ tɛlǝsɩ Selopʋwɑm tɔ.

¹⁶Wɑɑtʋ wei ilim ntɔɣɔŋ tɔɔ Ɩsɛɣɛlɩ nyǝ́mɑ cɛkǝnɑɑ sɩ wulɑʋ kisɑ pɑ tɔm kɛ mʋɣʋ, ɩlɛnɑ pɑ́ tɔmɩ-ɩ sɩ: Tɑ́ nɑ Tɑfiiti tǝ fɛɩnɑ nɑtǝlɩ. Tɑ nɑ Sesee pǝyɑlʋ tǝ kɑɑ we? Pɑɑ wei ɩ́ kpe ɩ tɛ. Tɑfiiti lʋlʋɣʋ tʋ nyɑ́, nyɑɑ pɑɑsǝnɑ nyɑ́ kɑwulɑɣɑ. Ɩlɛnɑ pɑ yɑ.

¹⁷Yutɑ tɛtʋ tike yǝlɑɑ nyǝnɑɣɑnɑ Lʋpʋwɑm kɛ pɑ wulɑʋ.

¹⁸Pɑɑ nɑ mpʋ nɑ ɩ́ tili tǝlɑsɩ tǝmɑ nyʋɣʋ tʋ Atolɑm kɛ Ɩsɛɣɛlɩ nyǝ́mɑ mpɑ pɑ wɛ ilim ntɔɣɔŋ tɔɔ tɔ pɑ tɛ́. Ɩlɛnɑ pɛlɛ pɑ́ yɑɣɑ Atolɑm kɛ pɛɛ nɑ pɑ́ kʋ. Ḿpʋ́ɣʋ́ Lʋpʋwɑm kpɑ ɩ kɛɛkɛ tɔɔ kɛ́ kpɑkpɑɑ nɑ ɩ́ se nɑ ɩ́ polo Yosɑlɛm.

¹⁹Ɩsǝnɑ ilim ntɔɣɔŋ tɔɔ nyǝ́mɑ kisinɑ Tɑfiiti lʋlʋɣʋ nyǝ́mɑ kɑwulɑɣɑ tɔɣɔlɛ. Nɑ ḿpʋ́ɣʋ́ pǝ wɛ hɑlǝnɑ sɑŋɑ.