2 Cronica 27

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Mibpenuiǥen si Jotam te 25 he tuig hein nehimu sikandin he hadì. Diyà sikandin med-ubpà te Jerusalem, ne midhadì sikandin seled te 16 he tuig. Is iney zin iyan si Jerusha he anak ni Zadok.

²Meupiya is ulaula ni Jotam diyà te etuvangan te Nengazen, iring ded te mibeelan te amey zin he si Uzia. Piru wazè din iringi is salà te amey zin he iyan en midtutung te veyewà diyà te valey te Nengazen. Meupiya is ulaula ni Jotam, piru is menge etew mulà, ne mibpedayun dan te kebaal te mezaat.

³Si Jotam is mibaal te Egkezizaya he Gemawan te valey te Nengazen, ne mibpemepurungan din is menge verengbeng te Jerusalem diyà te vuvungan te Ofel.

⁴Iyan daan sikandin midtukud te menge inged diyà te menge vuvungan seled te Juda, wey midtukud daan te melig-en he menge kutà wey menge turi ziyà te menge keyuwen.

⁵Mibpekidtebek si Jotam te menge Amonihanen wey te hadì dan, ne nezaag din sikandan. Te haazà he tuig ne mibeǥayan sikandin te menge Amonihanen te menge 3,500 he kilu he pelata, 30,000 he saku he trigu, wey 30,000 he saku he barli. Midhimu zan heini taman te iketelu he tuig.

⁶Mibmelig-en pa utew si Jotam tenged te midsunud sikandin he metinumanen te Nengazen he Megbevayè din.

⁷Is duma pa he ǥuǥud mehitenged te kedhadì ni Jotam, ragkes is langun he kaaǥi zin te kebpekidtebek wey menge neveelan din, ne ingkesurat diyà te Libru he Midsuratan te menge Keguǥuza te menge Hadì te Israel wey Juda.

⁸Mibpenuiǥen si Jotam te 25 he tuig hein nehimu sikandin he hadì. Diyà sikandin med-ubpà te Jerusalem, ne midhadì sikandin seled te 16 he tuig.

⁹Hein minatey en si Jotam, inleveng sikandin diyà te Inged ni David. Ne si Ahaz he anak din iyan nekeilis kandin te kedhadì.