Kʋtɔɔsʋtʋ II 17

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Ḿpʋ́ɣʋ́ Yutɑ wulɑʋ Asɑ pǝyɑlʋ Sosɑfɑtɩ tɔɣɔ kɑwulɑɣɑ kɛ ɩ cɑɑ lonte nɑ ɩ́ nyɔɔsɩ ɩ kɑwulɑɣɑ kɛ Ɩsɛɣɛlɩ nyǝ́mɑ tɔɔ.

²Ɩlɛnɑ ɩ́ sɩɩ yoolɑɑ kpekɑ kɛ Yutɑ koloosi ɑcɑlɛɛ tǝnɑ tɑɑ. Nɑ ɩ kɑwulɑɣɑ ɑcɑlɛɛ nnɑ ɩ cɑɑ Asɑ kɑ lɛɛkɑ Ɩfǝlɑyim nyǝ́mɑ tɔ ɑ tɑɑ tɔtɔ.

³Tɑcɑɑ kɑ wɛ Sosɑfɑtɩ wɑɑlɩ kɛ́. Mpi tɔ, Sosɑfɑtɩ tɔmɑ ɩ cɔsɔ Tɑfiiti ɩkpɑtɛ tɑɑ kɛ́ ɩ kɑwulɑɣɑ kɑncɑɑlɑɣɑ kɛ́, ɩ tɑ lɑɑ tʋɣʋ Pɑɑlɩ.

⁴Amɑ ɩ cɑɑlɑ ɩ tǝɣɩ sɩ ɩ́ nyɩ ɩ cɔsɔ Tɑfiiti Ɩsɔ luɣu nyǝntʋ, nɑ ɩ́ tɔkɩ ɩ kiiŋ. Ɩ tɑ kɛɛnɑ Ɩsɛɣɛlɩ ɑwulɑɑ.

⁵Ɩlɛnɑ Tɑcɑɑ lɑ nɑ Sosɑfɑtɩ kɑwulɑɣɑ lɑ toŋ nɑ Yutɑ nyǝ́mɑ hɑɑkɩ kʋcɔɔŋ, nɑ ɩ́ sʋʋ toŋ kɛ teu nɑ teeli.

⁶Nɑ Sosɑfɑtɩ lɑŋlɛ hɛɛnɑ Ɩsɔ tǝmlɛ lɑpʋ nɑ ɩ́ kpiisi Yutɑ kɑwulɑɣɑ tɑɑ kɛ́ tǝkɔtǝlɛnɑɑ nɑ pǝ tɩɩŋ.

⁷Ḿpʋ́ɣʋ́ ɩ kʋsɑ ɩ ɑkewenɑɑ sɔsɑɑ kɛ ɩ kɑwulɑɣɑ pǝnɑɣɑ tooso nyǝŋkɑ tɑɑ, nɑ ɩ́ tili-wɛ sɩ pɑ́ sɛɣɛsɩ Yutɑ ɑcɑlɛɛ yǝlɑɑ kɛ Ɩsɔ kiiŋ. Tillɑɑ mpɛ pɑ hǝlɑ ntɛ́ Pɛnɩ-Hɑyilɩ, nɑ Opɑtiyɑ, nɑ Sɑkɑlɩ, nɑ Netɑneyɛlɩ, nɑ Mikɑyɑ.

⁸Nɑ Lefii nyǝ́mɑ pɔɣɔlɑɣɑfɛɩ nɑɑnʋwɑ sɩɩ-wɛ. Pɛlɛ pɑ hǝlɑ ntɛ́ Semɑyɑ, nɑ Netɑniyɑ, nɑ Sepɑtiyɑ, nɑ Asɑyɛɛlɩ, nɑ Semilɑmɔtɩ, nɑ Yonɑtɑŋ, nɑ Atoniyɑ, nɑ Topiyɑ, nɑ Topɩ-Atoniyɑ. Nɑ kɔtǝlɑɑ nɑɑlɛ, Ɩlisɑmɑ nɑ Yolɑm.

⁹Ḿpʋ́ɣʋ́ pɑ kpɛnnɑ Tɑcɑɑ kiiu tɑkǝlɑɣɑ nɑ pɑ́ cɔɔ Yutɑ ɑcɑlɛɛ nɑ pɑ́ sɛɣɛsɩ ɩcɑtɛ yǝlɑɑ tǝnɑ.

¹⁰Ḿpʋ́ɣʋ́ Tɑcɑɑ sɔɣɔntʋ kpɑ piitimnɑɑ mpɑ pɑ cɔɔnɑ Yutɑ tɔ pɑ kɑwulɑsɩ tǝnɑɣɑ sɔsɔm. Ɩlɛ pɑ tɑ yoonɑ Sosɑfɑtɩ.

¹¹Hɑlǝnɑ Filiisi nyǝ́mɑ hɑ-ɩ kʋcɔɔŋ nɑ pɑ́ fɛlɩ-ɩ lɑmpuu kɛ liɣitee. Lɑɑlupunɑɑ nɑ́ kɔnɑ-ɩ ɩwɑɑŋ kɛ iyisi nɑɑtosompɔɣɔlɑɣɑ nɑ nɑsǝtoso nɑ nɩɩnʋwɑ (7700), nɑ pǝŋtʋlʋŋ kɛ mpʋ tɔtɔ.

¹²Ḿpʋ́ɣʋ́ Sosɑfɑtɩ toŋ sɔɔsɑɑ nɑ pǝ́ puki. Sosɑfɑtɩ ŋmɑ́ Yutɑ tɑɑ kɛ́ ɑcɑlɛɛ nɑ tɔɣɔnɑsɩ tǝsɩɩlɛ.

¹³Nɑ ɩ́ wɛɛnɑ wontu kɛ sɔsɔm kɛ Yutɑ ɑcɑlɛɛ tɑɑ. Nɑ ɩ yoolɑɑ tɑɑ yoolɑɑ kɛ Yosɑlɛm tɑɑ.

¹⁴Pɛlɛ pɑ kpekɑ ntɔ nɑ pǝ́ kɛɛsǝnɑ pɑ lʋlʋŋ. Yutɑ kpekǝle tɑɑ sɔsɑɑ ntɛ́ yoolɑɑ tɑɑ yoolɑɑ iyisi ŋmʋnʋɣʋ nɑ nɩɩnʋwɑ (300000) nyʋɣʋ tʋ Atǝnɑ.

¹⁵Atǝnɑ wɑɑlɩ kɛ́ yoolɑɑ iyisi ŋmʋnʋɣʋ nɑ nɩɩnɑɑsɑ (280000) nyʋɣʋ tʋ Yohɑnɑŋ.

¹⁶Nɑ yoolɑɑ iyisi ŋmʋnʋɣʋ (200000) nyʋɣʋ tʋ Sikǝli pǝyɑlʋ Amɑsiyɑ. Amɑsiyɑ sɔɔlǝnɑ nɑ ɩ́ sʋʋ Tɑcɑɑ tǝmlɛ tɑɑ.

¹⁷Pɛncɑmɛɛ kpekǝle tɑɑ kɛ́ yoolɑɑ tɑɑ yoolɑɑ tɔtɔlɑɑ iyisi ŋmʋnʋɣʋ (200000) nyʋɣʋ tʋ Iliyɑtɑ.

¹⁸Iliyɑtɑ wɑɑlɩ nyǝŋ ntɛ́ yoou wontu tɔkǝlɑɑ iyisi nɩɩnʋwɑ nɑ nɩɩnɑɑsɑ (180000) nyʋɣʋ tʋ Yosɑpɑtɩ.

¹⁹Mpɑ pɑɑ kɛ́ wulɑʋ yoolɑɑ kɛ Yosɑlɛm tɑɑ tɔɣɔlɛ. Nɑ pǝ́ sɔɔsǝnɑ mpɑ ɩ kɑ sɩɩ koloosi ɑcɑlɛɛ tɑɑ kɛ́ ɩ kɑwulɑɣɑ tǝnɑ tɑɑ tɔ.