لُكِ 17:11-25

¹¹عِسَ تٌ نُ دَرِ سَلَمُ كِرَ شْن، عَ نَشَ دَنفِ سَمَرِ نُن فَلِلٍ بْشِ تَفِ.

¹²عَ تٌ سٌ تَا ندٍ كُي، كُنّ كَنيِ قُ نَشَ قَ عَ شْن. عٍ نَشَ سَ تِ عٍ ندٍدِ مَكُيَشِ عَ رَ،

¹³عٍ عٍ شُي عِتٍ عَ بّ، «كَرَ مْشْ عِسَ، كِنِكِنِ مُشُ مَ!»

¹⁴عَ تٌ عٍ تٌ، عَ نَشَ عَ قَلَ عٍ بّ، «وٌ سِفَ، وٌ سَ وٌ يّتّ مَسٍن سّرّشّدُبّيٍ بّ.» نَ كُي، عٍ نُ سِفَقٍ تّمُي نَشّ، عٍ نَشَ يَلَن.

¹⁵نَ تّمُي، مِشِ كٍرٍن عٍ يَ مَ، عَ تٌ عَ تٌ عَ يَلَنشِ، عَ نَشَ فبِلٍن عَلَ مَتْشْ رَ عَ شُي عِتٍشِ رَ.

¹⁶عَ نَشَ سُيِدِ عِسَ بّ، عَ عَ تَنتُ. سَمَرِكَ نَن نُ عَ رَ.

¹⁷عِسَ نَشَ عَ قَلَ عَ بّ، «مِشِ قُ شَ مُ رَيَلَن؟ نَ سٌلٌمَنَانِيٍ تَن فٌ؟

¹⁸مِشِ يٌ مُ فبِلٍن عَلَ تَنتُدٍ قٌ يِ سَمَرِكَ؟»

¹⁹عِسَ نَشَ عَ قَلَ عَ بّ، «كٍلِ، عِ سِفَ. عِ شَ دَنشَنِيَ بَرَ عِ رَكِسِ.»

²⁰قَرِ سّنِيٍ تٌ عِسَ مَشْرِن، عَ عَلَ شَ مَنفّيَ نِينِ قَمَ مُن تّمُي، عَ نَشَ عٍ يَابِ، «مِشِ مُ عَلَ شَ مَنفّيَ نِينِ قَ تّمُي كٌلٌنمَ.

²¹مِشِيٍ مُ عَ قَلَمَ شّ دٍ، ‹عَ مَتٌ، عَ تَن نَن يَ،› شَ نَ مُ عَ رَ، ‹عَ تَن نَن سَ نَ كِ›، بَرِ مَ عَلَ شَ مَنفّيَ نِينِ نَ وٌ يَ مَ نّ.»

²²نَ تّمُي، عِسَ نَشَ عَ قَلَ عَ قْشِرَبِرّيٍ بّ، «وَشَتِ قَمَ نّ، عَدَ مَ شَ دِ تٌ شْلِ وٌ سُشُمَ نّ، عَ شَ لُ وٌ يَ مَ هَلِ لْشْ كٍرٍن ثٍتِ، كْنْ وٌ مُ عَ تٌمَ.

²³مِشِيٍ عَ قَلَمَ نّ وٌ بّ، ‹عَ مَتٌ، عَ تَن نَن سَ نَ كِ،› شَ نَ مُ عَ رَ، ‹عَ تَن نَن يِ كِ!› وٌ نَشَ وٌ فِ نَ مَتٌدٍ، وٌ نَشَ بِرَ نٍيٍ قْشْ رَ.

²⁴عَ قَ لْشْي، عَدَ مَ شَ دِ لُمَ نّ عَلْ سٍيَمَكْنيِ نَشَن مِنِمَ، كُيٍ بِرِن يَنبَ.

²⁵كْنْ بٍينُن نَ لْشْي شَ عَ لِ، قٌ عَ شَ تْورّ فبٍفبٍ سْتْ. تٌ مِشِيٍ مُ لَمَ عَ رَ.