Luka 17:11-25

¹¹Yesu hang'ali kamnzila koghenda Yerusalemu, kabitila mghati mwa Samariya na Galilaya.

¹²Hang'ali yakwingila mne ichijiji chimwe, tsaketingana ne iwakoma kumi, wema kutali.

¹³Wakemelela, “Yesu, Imtwatsa, twonele libatsi!”

¹⁴Hawonile kawalongela, “Mghende mkelanguse kwa wakulu we inambiko.” Hawang'ali woghenda, tsawahona.

¹⁵Yumwe mna wawo honile kahona, koya kuchughu, aku komtunya Imulungu kwa kukemelela.

¹⁶Keghwisa hasi hane maghulu gha Yesu kamlongela mighede. Ayo tsakakala Msamariya.

¹⁷Yesu kalonga, “Apfi si iwanu kumi bae iwahonile? Lelo awala tisa walikwani?

¹⁸Ng'oneke yungi iyoyile na kumtunya Imulungu ila imhenza ayu aliyeka?”

¹⁹Kuya Yesu kamlongela imunu ayo, “Winuke uke, Ukutoghola kwako kukuhonetsa!”

²⁰Mafarisayo hawamghutsile Yesu, Undewa we Imulungu utsakutsa tsuwachi, kawedika, “Undewa we Imulungu ng'aukutsa kwa kwoneka kwa tsinenge bae.

²¹Kuduhu imunu iyatsodaha kulonga, ‘Wa hano au wa hala.’ Kwaapfila Undewa we Imulungu wa mghati mwenu.”

²²Kuya kawalongela iwanang'ina wake, “Ghamatsuwa ghakutsa mtsobama kwona litsuwa limwe lya ghamatsuwa ghe Imwana we Imunu, lekeni ng'amtsolyona bae.

²³Na iwanu watsowalongela, ‘Mlole, kahala!’ Au ‘Mlole kahano!’ Lekeni mwemwe mleke kuwawinza.

²⁴Kwaapfila ka lumwesa pfalulawila kulanga na kumwemwesa ubali umwe mbaka ubali ungi, apfo pfipfo Imwana we Imunu pfatsakuwa mne litsuwa lyake.

²⁵Lekeni tanu yadununzike ng'ani na kulemighwa ne iwanu wa mweleko ghuno.