Luka 17:11-25

¹¹Jesunê lêŋ kepeŋ Jerusalem, tec kêsêlêŋ kêsa Samaria to Galilaia ŋamadiŋgeŋ gêja.

¹²Ma eŋ gêô lasê malac teŋ ma lau tokamocbôm 10 dêdac eŋ sêkô jaêcgeŋ sêkanôŋ eŋ

¹³ma sêmôêc sêpuc aweŋ sageŋ gebe “Mêtêmôkê Jesu, taêm walô aêacmêŋ.”

¹⁴Jesu gêlic ma kêsôm gêdêŋ êsêac gebe “Aêc naatôc taôm êndêŋ lau dabuŋwaga.” Tec sêsêlêŋ sêmoa ma ôliŋ têtu selec.

¹⁵Êsêacnêŋ ŋac teŋ gêlic tau gebe ôli ŋajam kêsa, tec kêkac tau ôkwi gêmu meŋkêlambiŋ Anôtô ŋa awa kapôêŋ,

¹⁶ma gêu tau laŋôanô jagêdêŋ nom gêc Jesu akaiŋŋa, go gêjam daŋge gêdêŋ eŋ. Ma ŋac tau eŋ ŋac Samariaŋa teŋ.

¹⁷Ma Jesu kêsôm gebe “Aê gaboc lau 10 ôliŋ têtu selec. Ma 9 sêmoa ondoc.

¹⁸Nêŋ ŋac teŋ gebe êmu êmêŋ êlambiŋ Anôtôŋa gêmoa atom me, ŋac jaba tageŋ tonec me.”

¹⁹Go Jesu kêsôm gêdêŋ eŋ gebe “Ôndi sa ma ôêc ôna, aômnêm kôkêŋ gêwiŋ tec gêgôm aôm ŋajam kêsa.”

²⁰Parisai ŋagêdô têtu kênac Jesu gebe “Êndêŋ ondoc Anôtônê gôliŋ êmêŋ.” Tec eŋ gêjô êsêac aweŋ gebe “Anôtônê gôliŋ êmêŋ toŋapuc gebe talic ŋa mateŋanôŋa nec atom.

²¹Êsêac oc sêsôm gebe ‘Gêc tonec’ me ‘gêc ônê’ nec atom, gebe Anôtônê gôliŋ wacgêc amac ŋalêlôm.”

²²Ma eŋ kêsôm gêdêŋ ŋacseŋomi gebe “Ŋabêc ŋagêdô oc êmêŋ, ma amac oc anam awem su gebe alic Ŋamalacnê Latunê bêc tageŋgeŋ, mago oc alic atom.

²³Êsêac oc sêsôm êndêŋ amac gebe ‘Alic, gêmoa ônê. Alic, gêmoa tonec,’ naŋ ana atom ma andaŋguc êsêac atom.

²⁴Kêtôm ôsic kêkac eb tageŋ ma kêpô umboŋ ŋalabu aŋga ŋagêdô e jakêsa gêdô naŋ, Ŋamalacnê Latu embe êmêŋ, oc êtôm tônê.

²⁵Mago eŋ êôc ŋandaŋ taêsam to lau têm tonecŋa têtiŋ eŋ su êmuŋ acgom.