LUKU 17:11-25

¹¹Kũ Yesu tɛn gɛ́ Yurusalɛmu, àtɛn kure Samaria bùsu lɛ́a kũ Galilio.

¹²Kũ àtɛn gɛ̃ lakutu ken, akũ gↄ̃gbɛ̃ kusu gbɛ̃nↄn kurinↄ dàalɛ. Ò zɛ dire,

¹³ò lɛ́ zùi ò pì: Dikiri Yesu, ǹ ó wɛ̃nda gwa.

¹⁴Kũ à ń é, akũ à pìńnɛ: À gɛ́ à á zĩda mↄ sa'orinↄnɛ. Kũ òtɛn gɛ́, akũ ò wèrekↄ̃a.

¹⁵Kũ ń gbɛ̃ do è a werekↄ̃a, akũ à ɛ̀ra à sù, àtɛn Luda sáabu kpá kũ kòto gbãnao.

¹⁶À wùtɛ a kùaa Yesu arɛ à fↄ kpàa. Gbɛ̃ dí bi Samaria gbɛ̃mɛ.

¹⁷Akũ Yesu pì: Gbɛ̃nↄn kurinↄ mɛ́ ò wèrekↄ̃aroo? Gbɛ̃nↄn kɛ̃ndonↄn kú máa?

¹⁸Ń gbɛ̃ke dí ɛra à sù Luda sáabu kpáro, sé gbɛ̃ zĩ̀tↄ dí yá?

¹⁹Akũ Yesu pìnɛ: Ǹ futɛ ǹ tá, ma náani kũ n kɛ̀ mɛ́ à n werekↄ̃a.

²⁰Farisinↄ Yesu là kpata kũ à bò Luda kĩnaa bona gupuraai, akũ à wèḿma à pì: Kpata kũ à bò Luda kĩnaa dì bo gupuraa ò e kũ wɛ́oro.

²¹Oni pi à gwa la ke à gwa direro. Kpata kũ à bò Luda kĩnaa pì kú á tɛ́ lamɛ.

²²Akũ à pì a ìbanↄnɛ: A gↄrↄ tɛn su kũ áni Bisãsiri Nɛ́ sugↄrↄ pìnↄ doke ena ni dɛ, áni ero.

²³Oni piárɛ à kú dire ke à kú la, ama àsun gɛ́ro, àsun tɛ́ńyĩro.

²⁴Lákũ legũpinaa dì gupura kũ ludambɛ lɛ́ gu dín kũ a lɛ́ direkũo nà, lɛn anigↄ̃ de lɛ Bisãsiri Nɛ́ sugↄrↄa.

²⁵Séto à wɛ́tãmma è manamana gĩa, gbãragbɛ̃nↄ ni gíi.