Luka 17:11-25

¹¹Iesu abo i lau Ierusalema, Samaria eo Galilaia i baeawa duaduaridi eai.

¹²Eanua gagirina esau eai ie lage, lepera tataodi saudoudoi ia maedi se hailobai, isi se totoro eda lohaloha eai.

¹³Se arina lailai, si ene, “Iesu e, tanuagamai e, u nuatoatoaemai.”

¹⁴Ia i itadi, abo i ribalau aridi eai, i ene, “Au lau au hemasarahauioimiu kohena aridi eai.” Ma laulaudi eda eai, abo se aa.

¹⁵Esau aridi eai, ie ita i mauri, abo ie uio, i arina lailai arinai Eaubada i aihelahui.

¹⁶Eo i gurisalaoba Iesu aena eai, i lautoi: ia Samaria tauna.

¹⁷Iesu arinana i heuio i ene, “Tatao saudoudoi se heaadi e nige’e? Tatao haligigi‐hasi wa haedi?

¹⁸Nige tau esau i uio bena Eaubada i aihelahui, teina laolaoma tauna mo.”

¹⁹Ie ribalau ia arinai, i ene, “U torohai u lau em dobila wa u lauwatai: em sunuma eai u mauri.”

²⁰Parisea tataodi ia se oimurini, si ene, “Eaubada ena basileia auiana abo i laoma,” arinadi i heuioidi, i ene. “Eaubada ena basileia nige i laoma masamasaraha:

²¹hinage taba nige si ene, Ia ede ina! e ia ede nei! Paana Eaubada ena basileia omi nuaboeamiu eai ede.”

²²Ia i ribalau ena heaheatayao aridi eai, i ene, “Asubenadi abo se laoma, omi abo au henua ariri bena Tau Natuna ena asubena esega au ita, taba nige au ita.

²³Isi abo se ribalaowa arimiu eai, si ene, ‘Au ita ina: e au ita nei:’ tabu au lauwataidi, eo tabu au hemuriwataidi.

²⁴Doha namanamari galewa teha esau eai ie siri, i lau e teha esau eai: abo tau Natuna ena asubena eai ena abiabina doha meta.

²⁵Na bagubaguna ia amamna gamagamagari i hearodi; teina isi ta hinage ia abo se nuagabaei.