Luke 17:11-25

¹¹A bi fin ri atsi tie ni Wurishelima, abu kusa nei gbu Samariya ni Galili.

¹²Wa ari ni gbu ri, ndji wlon bi lilon gben ba izun ni wu. Ba klir gbugbanmu niwu.

¹³Ba bwu ba ni fu ba, nda tre, Yesu nikon wo iyi mbu.

¹⁴Wa ato ba, ahla ni bawu, hi ndi tsro tumbi ni Firistoci. Wa ba tsi bi, ba kpa sikpa.

¹⁵Iri nimi ba wa a to wawu samu sikpa, a kmaye, nda ngyiri ni Ijri ni la ndindima.

¹⁶A joku ni kbu Yesu, nda ngyiri niwu gbugbome wawu a ndji igbu Samariya.

¹⁷Yesu la bana ndji wlo na wa samu sikpa na, itiya ba bahe ni ntsen?

¹⁸Ba bari wa ba kmaye nda ngyiri ni Irji, tse ndji tsri yi?

¹⁹A hla niwu, lunde ndi he ni suron ndindime anu sikpa ma.

²⁰Farisawa ba mye Irji ni ye ni ntan, Yesu hlani bawu ndi Irji ana ye iri iya ndi na.

²¹Ko ba la yah, ahe iyi koh ahe wamu. Bi ka yah iye Irji ahe aniwu.

²²A hla ni imri koh ma, i vin tse ye wa bi son toh ivi wa ivren ndji niye, bi na tona.

²³Ba hla niwu, yah, ni wamu, yah niwa hi na rju na, na bu ba na.

²⁴Ya nda izren ni whri nda kma tsutsa wa ni whri gbagbla shu yi ni gbagblamu, ani he nikiyi ivren ndji ni vin ma.

²⁵A ni sha yah gbugbu kri gbugblu bakaba wu.