Luka 17:11-25

¹¹Jerusalem la a caeh a om vaengah Jesuh tah Samaria neh Galilee laklo longah cet.

¹²Te vaengah vangca pakhat la a kun hatah hmaibae hlang parha loh Jesuh te a doe uh tih amamih tah soei pai uh.

¹³Te phoeiah a ol a huel uh tih Boeipa Jesuh kaimih n'rhen lah,” a ti uh.

¹⁴Amih te a hmuh vaengah, “Cet uh lamtah namamih te khosoih rhoek taengah tueng uh,” a ti nah. Tedae a caeh uh li vaengah mah amih te boeih cim uh.

¹⁵Tedae amih khuikah pakhat long tah a hoeih te a hmuh vaengah bal tih ol ue la Pathen te a thangpom.

¹⁶Te phoeiah anih tah Samaria dae ni a kho kung ah maelhmai a buluk thil tih Jesuh te a uem.

¹⁷Te dongah Jesuh loh a doo tih, “Parha la a cim uh moenih a? Pako rhoek ta melae?”,

¹⁸Anih kholong hlang pawt atah Pathen te thangpomnah paek ham aka bal hmu uh boel saeh a?” a ti nah.

¹⁹Te phoeiah anih te, “Thoo, cet laeh, namah kah tangnah loh namah ng'khang coeng,” a ti nah.

²⁰Pathen kah ram ha pawk vaengkah te Pharisee rhoek loh a dawt dongah amih te a doo tih, “Pathen kah ram tah hmuhnah neh ha pawk moenih.

²¹“'He la he, ke la ke,' ti uh mahpawh. Pathen kah ram tah namamih khuiah ni a om te,” a ti nah.

²²Te phoeiah hnukbang rhoek te, “Khohnin ha pawk vaengah hlang capa kah khohnin te hnin at hmuh ham na hue uh suidae na hmuh uh mahpawh.

²³Nangmih taengah, 'Ke la ke, he la he,' a ti uh akhaw cet uh boeh, hnuktlak uh boeh.

²⁴Khophaa loh phaa tih vaan hmui pakhat lamkah loh vaan hmui pakhat la sae ni. Hlang capa tah amah tue vaengah ha om tangloeng bitni.

²⁵Tedae lamhma la muep a patang ham neh tahae cadil loh a hnawt ham khaw a kuek.