San Lujc 17:11-25

¹¹Chi ma cadxin Jesús Jerusalén, gudëdaman guiedx rigaꞌ ree niz Samaria në niz Galilea.

¹²Abiꞌ chi cayuman tijb luguiedx dobëz, bigchaagloj chii ree bén rajc guialguijdx la lepra laaman. Per zijt guzuj reeman,

¹³rbixdiaj reeman, rëb reeman: ―¡Jesús, Mextr, baya dunujn!

¹⁴Chi baguiaa Jesús laa reeman, rëbaman loj reeman: ―Gol chej loj ree bixhioz din guguiaa reeman lëjt. Abiꞌ laꞌtgaj zë reeman, baya xcuerp reeman guialguijdx ni rajc reeman.

¹⁵Dxel tijbaman chi gogbeeman ma bayajcaman, bayejcaman, rbixdiajman rudëëman quixtëë loj Dios.

¹⁶Abiꞌ bazuxibaman loj Jesús, basajb lojman xt luyuj persi badëëman quixtëë lojman. Abiꞌ najman bén Samaria.

¹⁷Dxel rëb Jesús: ―¿Nid chii na̱j ree bén bayajc ya? ¿Con zagaa reeman?

¹⁸¿Tijbzi benzit guie bayejc ya rudëëman quixtëë loj Dios?

¹⁹Dxel rëbaman loj bén guin: ―Bisu. Baguiaj, ma bayajquil guial bililadxil naj.

²⁰Gunabdiidx ree bénfarisew loj Jesús goc guiꞌt xguialrniabee Dios, abiꞌ rëbaman: ―Xguialrniabee Dios ad najtan ni guguiaa bejn.

²¹Abiꞌ achut guiëb: “Laan zaꞌ guie”, o “Laan zaꞌ ni” ya, din xguialrniabee Dios mal zaꞌn galaydi.

²²Dxel rëbaman loj ree xbejnman: ―Zadxin dxej guiëndi guguiaadi Bén guxhaal Dios majsi tibdxejzi, per ad zuguiaatidi laaman.

²³Abiꞌ yuꞌ reeman na lëjt: “Laaman zaꞌ guie”, o “Laaman zaꞌ ni” ya, ad bal chinalidi laa reeman.

²⁴Din ziꞌc chi rëꞌp nijs rulaan bachaꞌ guidib xanyabaa, zian gac chi guiꞌt Bén guxhaal Dios loj guidxliuj.

²⁵Per yalojxgaj sagdiajman abiꞌ ad zënt ree bén rigaꞌ yan laaman.