Lukasi 17:11-25

¹¹Yesu paghaveyi mumwanja kuyenda Yelusalemu apitilili Samaliya na Galilaya.

¹²Payingileyi chijiji chimu, atanganili na vandu lilongu vavelili na ukalava, vawolokili kutali.

¹³Vadetili kwa kulandusha, Yesu, Bambu, tuwoneli lusungu!

¹⁴Pavawonili kavawombela, muyendi mukayilangushi kwa mtambika. Topi pavayendeyi vang'alili.

¹⁵Yumu wa vala pawonili kanana, kawuya kunu pakamjuma Chapanga kwa lishu likomi.

¹⁶Kayiyasilila pasi paulongolu pamawulu va Yesu kunu pakamuwombela Chapanga chikomu Bambu. Ayu avelili Msamaliya.

¹⁷Apa Yesu kadeta, “Wuli vandu vang'alishiwili vavelili lilongu duhu? Vala vamonga tisa vawa koti?

¹⁸Awonikili ng'odu mundu wingi kandi yawuyili kumgayila Chapanga ukomi, ila ayu mhenja weka hela?”

¹⁹Pambeli kamuwombela mundu yula, “Woloki uyendi, ujumilwa waku ukulowola.”

²⁰Chipindi chimu Mafwalisayu vamudashili Yesu, “Wutwa wa kumbindi kwa Chapanga dawuyisi ng'odu?” Mweni kavayangula, “Wutwa wa kumbindi kwa Chapanga dauyisi kwa ndambu ya kulembesha ha.

²¹Wala kwahela daweshi kudeta, ‘Wuva apa!’ Awu ‘Wuva pala!’ kwanongwa Wutwa wa kumbindi kwa Chapanga wuva gati ya yumwi.”

²²Pambeli kavawombela vandundami vaki, “Majuva davayisi damudobukeli kuliwona lijuva limu lya mwana wa mundu, lakini damuliwoni ng'odu.

²³Vandu davawombeli, ‘Mloli, kawa pala!’ Awu, ‘Mloli, kawa apa!’ Lakini yumwi mukotoo kufuma wala kuvakovikela.

²⁴Nongwa kucha wula lumuli paluwoneka lukung'alika kumbindi upandi wumu mbaka upandi wingi, dayivi kwa mwana wa mundu lila lijuva lyaki.

²⁵Lakini dagobulewi tangila nendu na kulemiwa na ulelwa awu.