Luka 17:11-25

¹¹Aeipumie kina naawile kusafiri kulongola ku Yerualemu, aukeile mumumpaka wa Samaria ne Galilaya.

¹²Nautuile kingela mukesale king'wi, kung'wanso emtankanile neantu ikumi naakete uukoma. Akimeka kule.

¹³Akakulyi nukulunga, Yesu Bwana kuhulumele.”

¹⁴Nauaine wikaaila, “Longoli miambye kwa tongeeli.” Neenso naalongoe ikatakasigwa.

¹⁵Ung'wi ao nauine kina wakomya, wikasuka kululi nulukulu nukumukulya Itunda.

¹⁶Wikagwa mumigulu ang'wa Yesu wikamusongelya. Nuanso ae Musamaria.

¹⁷U Yesu wikasukilya wikalunga, “Ite shangaatakasigwene ehi ikumi? Akolepe awa netisa?

¹⁸Kutile hata nung'wi naewigee kusuka nukumukulya Itunda, ikutula umugeni yuyudu?

¹⁹Wikamuila, “Uka na ulongole yako uhueli wako wakukomya.”

²⁰Naukoigwe neafarisayo utemi wang'wi Tunda uzile nale, U Yesu wikaasukilya wikalunga, “Utemi wang'wi Tunda singanga kentu nekewezile kigela.

²¹Wala eantu shanga akutambula, “Gozapa! ang'wi gozako! Kondogoelyo utemi wang'wi Tunda ukole mukate anyu.

²²U Yesu wikaaila eamanyisigwa akwe, “Imatungo neekapika nemekapa insula kuona moja aluhiku lang'wana wang'wa Adamu, lakini shangamukuona.

²³Akamuila, Goza, uko! Goza, pa!” Lakini muleke kenda kugoza wala ukuatyata,

²⁴anga umeme wa radi nuemeleka igulu kondya enkeka ing'wi hadi enka ngiza, kuite hata ung'wana wa ng'wa Adamu ukutula uu kuluhiku lakwe.

²⁵Lakini hanza igombigwe kuteseka hanza kumakani eedu nukuhitwa nuutugwa uwuite.