Luka 17:11-25

¹¹Ba dia vanavana na nga urama Ierusalem, i vanavana livuan Samaria ma Galilaia.

¹²Ma ba i olo tai tika na pia na pal, dia varkuvo ma ra vinun na tarai dia vukavuka, ma dia tur maro vailik;

¹³ma dia manga oro dari: Iesu, Luluai, una mari avet.

¹⁴Ba i gire diat, i tatike ta diat: Avat a vana, avat a ve kapi avat tai ra umana tena tinabar. Ba dia vanavana, dia gomgom uka.

¹⁵Ma tikai ta diat, ba i gire i tar lagar, i talil, ma i pite pa God ma ra ngala na nilaina,

¹⁶ma i va timtibum pire ra ura kauna, ma i pite pa ia; ma ia ra te Samaria.

¹⁷Iesu i tir ia: Pa di vagomgom avat ava vavinun laka? Akave ra lavuvat?

¹⁸Pa ta laka i talil upi na pite pa God, ia kaka go ra vaira?

¹⁹Ma i tatike tana: Una tut, ma una vana; kaum nurnur i tar valaun u.

²⁰Ba ra umana Parisaio dia tir ia ba vingaia ra varkurai kai God na vut, i tatike bali diat dari: A varkurai kai God pa i vut ma ra ginigira upi ia;

²¹ma pa da biti ba: Go kari! ba: Nam! Tago ra varkurai kai God i ki livuan ta vavat.

²²Ma i tatike tai ra tarai na vartovo: A e na vut boko ba avat a mainge upi avat a gire tika na bung kai Natu i ra tutana, ma pa avat a gire.

²³Ma diat a tatike ta vavat ba: Nam! ba: Go kari! Koko avat a vana, koko avat a murmur tana.

²⁴Tago dir vardada ma ra meme; ba i pala ia aro ta ra papar a vavai na bakut i vakapa are ta ra papar a vavai na bakut bula; damana bula Natu i ra tutana ta kana bung.

²⁵Ma na kadik lua ma ra mangoro na mangamangana, ma go ra taun tarai na pue vue.