Yohana 12:34-46

³⁴Fyo idyo niyo dyamhitula, “Suwe chagambilwa ni sigilizi yetu kugamba Kulisito nekale mazuwa yose, haluse wadaha vivihi kugamba Mwana Mntu aungwa enulwe? Uyo Mwana Mntu ni yuhi?”

³⁵Yesu awagamba, “Ung'azi uchei na nyuwe kwa chipindi chiguhi, talamkani mche mnanawo uwo ung'azi chani chilo chise kuwabwila, kwaviya akutalamka mwe chiza hamanyize uko akwita.

³⁶Umo mnanawo uwo ung'azi uzumileni chani mtende wantu wa ung'azi.” Eze alonge imilosi iyo, Yesu niyo ahalawa hekumanya aita hekukumanyika.

³⁷Hatahegu Yesu na kadamanya mpituko ino yose mwa meso yawo, wowo hawamzumile.

³⁸Ivyo milosi alongile muwoni Isaya niyo yalaila; “Zumbe ni yuhi auzumile ulosi wetu? Naho udahi wa Zumbe ugubulwa kwa yuhi?”

³⁹Ivyo hawadahile kuzumila kwaviya Isaya nakalonga vituhu,

⁴⁰“Chohile kajela utuntu ameso yawo, kazibalanga izifanyanyi zawo, wasekuwona kwa meso yawo, wasekumanya kwa fanyanyi zawo, naho wasekunihitukila, alonga Zumbe, chani niwahonye.”

⁴¹Isaya kalonga imilosi ino kwaviya kauwona ukulu wa Yesu, niyo alonga mbuli zakwe.

⁴²Mna vilongozi walozize Wayahudi niyo wamzumila Yesu, mna kwachausa cha Mafalisayo, hawalongile holumpe kwa kogoha kugamba na wasentwe ne nyumba yo kuvikila.

⁴³Nawaungisa kutogolwa ni wantu kujinka kutogolwa ni Chohile.

⁴⁴Aho Yesu aguta, “Mntu akunizumila miye, hakunizumila miye du, mna amzumila yudya anisigile.

⁴⁵Akuniwona miye amwona na uyo anisigile.

⁴⁶Miye ni ung'azi nami siza mwe isi chani wose wakunizumila wasekusigala mwe ichiza.