YOHANA. 12:34-46

³⁴Adija ididale da wanhu dimulongela, “Malagizo getu gotulongela kamba Kilisto kokala milongo yose. Avo gweye kolongaze kamba Mwana wa Munhu kolondigwa yenuligwe uchana? Mwana ino wa Munhu iyo yalihi?”

³⁵Yesu kawalongela, “Mulangaza wowa namwe mkipigiti kidodo. Gendeleleni kutembela mnzila imulinayo kipigiti mulangaza ung'hali namwe, giladi ziza sambidiwavike. Kwavija Munhu yotembela mziza hakutanga koyochola.

³⁶Utogoleni mulangaza kipigiti u hamoja namwe, giladi muwe wana wa mulangaza.” Yesu viyeshile kulonga gano, kasegela kachola kuifisa.

³⁷Hamoja na kutenda mizonza ino yose hameso gao, hawamtogole,

³⁸avo gaja gayalongile Muhokozi Isaya galawilila kweli, yolonga, “Mndewa, yalihi yautogole usenga wetu? Mhiko ya Mndewa igubuligwa ha munhu yalihi?”

³⁹Hawatogole, kwavija vivija Isaya kalonga,

⁴⁰“Mulungu kagagubika meso gao, na kuzibumbuwaza nzewele zao, avo meso gao sambigalole, na sambiwavitange mnzewele zao, giladi sambiwanihindukile, niwahonye.”

⁴¹Isaya kagalonga gano kwavija kayona yenzi ya Yesu na kumulonga heyo.

⁴²Avo wanhu bwando mmwanza wa wakulu wa Wayahudi wamtogola. Ila sama ya kuwadumba Mafalisayo hawamtogole hakimwagaia, kwavija wadumba sambiwawawinge kulawa mng'anda ya nhambiko.

⁴³Wanogelwa na nhogolwa za wanhu kubanza nhogolwa za Mulungu.

⁴⁴Yesu kenula dizwi kalonga, “Munhu yoyose yonitogola nie hanitogola nie niiyeka, ila vivija komtogola ayo yanhumile.

⁴⁵Munhu yoyose yonyona nie vivija komona ayo yanhumile.

⁴⁶Nie niza muulumwengu kamba mulangaza, avo munhu yoyose yonitogola sambiyasigale mdiziza.