SAN JUAN 12:34-46

³⁴ꞌBa xutankjiun kitsu: —Tunga ꞌya=ni mé= xi kuaꞌindutꞌa kjuatexumo, nga Cristo kꞌuejñakunntsjai. ¿Jótsaꞌen ꞌba teꞌminii̱ nga tjinnere nga chjunitjennkꞌa ngasun tꞌanangiu Kiꞌndire Xuta xiꞌiun? ¿ꞌYá= xi Kiꞌndire Xuta xiꞌiun?

³⁵ꞌBa Jesús kitsure: —Tu ngichuba nixtjin kꞌuejñajin ngisanu ndiꞌu. Tetsumo yejerañu tijñajinnu ndiꞌu, tuxi bi ku̱ajñutaꞌenninu. Ngatꞌa xi ña jñu tsuꞌba bi be ñá fi.

³⁶Ngatjamakjainnu ngatꞌare ndiꞌu yejerañu tjin ngisanu, tuxi tseꞌe ndiꞌu ku̱anñu —kitsu Jesús, ꞌba ꞌbatsaꞌen ꞌetju ꞌba tsikꞌejñaꞌmore xutankjiun.

³⁷ꞌBa ninga tsa nkjin kjuakun kitsaꞌen Jesús ngixkun xutabiu, tunga bi kuakjainre ngatꞌare kui.

³⁸ꞌBa kuán tuxi kꞌuetjusunni en xi kitsu xuta chinga profeta Isaías, ña ꞌbitsaꞌen kitsiꞌindu: Naꞌen, ¿ꞌyá= xi kuakjainre ngatꞌare en xi kjinukjuai̱? ¿ꞌYá= xi kisꞌejñatsejenre kjuaꞌñure Naꞌenchana?

³⁹Kui kjuañu bi kuán kuakjainnire xuta, ngatꞌa ꞌba nde tsaꞌen kitsiꞌindu Isaías enre Naꞌenchana:

⁴⁰Naꞌenchana ꞌechja tuxkun xutabiu ꞌba kitsitaja inimare, tuxi bi skueni, ꞌba tuxi bi ku̱ankjinnire, tsa chjen sikꞌantjaiya inimare, ꞌba an sindaa̱.

⁴¹ꞌBa kitsu Isaías ngatꞌa tsabe= kjuajere Jesús ꞌba Ngatꞌare= kinchja.

⁴²ꞌBa nkjin= xuta kuakjainre ngatꞌare Jesús kaꞌnda xutaxa. Tunga bi kitsikixiya, ngatꞌa tsakjunke= xuta fariseo ꞌba bi mejénre nga kjuiꞌnaxje ngaya niꞌya sinagoga.

⁴³ꞌBa kitsaꞌen ngatꞌa ngisa= ꞌñu kuatsja ngisare nga sꞌe̱re kjuaje ngajinre xuta nga ko mare ngixkun Naꞌenchana.

⁴⁴ꞌBa ꞌñu kinchja Jesús nga kitsu: —Xi makjainre ngatꞌana̱, bi tu ngatꞌa tsaꞌan makjainre. ꞌBa=nde makjainre ngatꞌare xi kitsikasenna̱.

⁴⁵ꞌBa xi ko xkun benina̱, ꞌba=nde be xi kitsikasenna̱.

⁴⁶An= ña̱ ndiꞌi xi jaꞌetsitsejenre xuta ngasunꞌndebi, tuxi ngatsiꞌi xi ku̱akjainre ngatꞌana̱ bi kꞌuenduni ña jñu.