Gwa 12:34-46

³⁴Giyagni rugitluna gixolune, “Wixa jemlu Tokanchi Yokanatkaluruya wa Kristo gwagognenatanu. ¿Gi pchinkoxge Pixa: ‘Rumkata yotunkaakota Yineru Wgene?’ ¿Gi gixachringe wa tye Yineru Wgene?”

³⁵Giyagni Geso wane chinna, “Pshinitsonu gixa yegi rawanu pokamlalu. Pokamlalu waneyakopshingi gyananu, ma kashichkanupgi wa mapshagalu. Wa mapshagwaka yanachri gi wa rumata ginakakta ya.

³⁶“Pokamlalu waneyakopshingi galixanru pokamlalu, wa pokamlalu wgenene gixinripa.” Walekakapirana yanumsata Geso. Ralimta. Yogimatyana.

³⁷Gixomka getkaluru kamrugetanutna. Gi ralixluna Wale,

³⁸poyagkakikolupa wa tokanchi Gisayiya tokanchi geneklewatachri chinyawaka: Gitsrukaachi, ¿katu galixlu wunkakletanru? ¿Katu gekakgitka wa Gitsrukaachimyo?

³⁹Wale chinanu gi rumkata galixletna, gi rixanu rumepe wane chinretatnaka Gisayiya:

⁴⁰Maygalene rixkakna. Shikowgajkakna. Giygaleyna ma metinitipna. Ma mumata jemgajitinipna ma kashrijetikotupna. Nma mutskalakyanupna.

⁴¹Tyekaka chinjeta Gisayiya wa retinri wa royaknu, Walepirana ruynumsatinri.

⁴²Wane gixkamka, seyni wa tsrukakaluneko gixo galixlu Wale, seyni wa Gwariseyone chinanu gi wa rupgujtatluna, ginkaklewwakapji ma muknokikotupna.

⁴³Gi rixanu ralukpotutluna yine gimalwure Goyakalu gimalwure pnute.

⁴⁴Saplewata Geso. Wane china, “Nalixjeru gi Gita ralixa seyni wa nyokanatjeru galikaka.

⁴⁵Wa netjeru retkoxlu wa nyokanatjeru.

⁴⁶Gitni pokamlalno tye chiji ginachrino wa pejnuruneko nalixjene mapshagwaka mawinitipna.