Ioane 12:34-46

³⁴Tatao se ribalau ia arinai si ene, “Laugagaeo eai ai ataieyao si ene, Keriso i mia mo i lau e, nige nosina: u ene edoha Tau Natuna abo se abiisini? Tau Natuna ne eai?”

³⁵Iesu abo i heribadi i ene, “Huia kuukuu mo marana i ota arimiu eai. Marana ma otana arimiu eai au laulau ata masigiri i hearomiu: paana ede ia masigiri boeana eai i laulau ena aba lau nige i nuatui.

³⁶Mara ma otana arimiu eai wa, marana au awamamohoiei, arinai abo doha mara nanatunayao au laulau.” Teina riba ta Iesu i ribaedi, abo i laugabaedi, i tauyamui.

³⁷Ia heiheinoi gigibori gamagaridi i ginauridi isi matadi eai, taiede ia nige se awamamohoiei.

³⁸Arinai abo riba wa Isaia peroveta i ribaei se hemamohoiei, i ene, “Guiau e, ema wasa eai i awamamohoiei? eo eai arinai Guiau nimana se hemasaraha?”

³⁹Arinai sunumana nige abina se ata, paana Isaia i ribauio, i ene:

⁴⁰“Matadi i hegibudi, eo nuadi hinage i heoiuradi; arinai matadi eai taba nige se ita, eo nuadi eai taba nige se nuatulobai, ata nuadi se buidi, eo ea hemauridi.”

⁴¹Teina riba ta Isaia i ribaedi, ena hedebasae i itayao eo ia ede i ribaribaei.

⁴²Babada udodoi mo peledi boeadi eai se gamagari ia se awamamohoiei; taiede nige se wasawasaei paana ede Parisea tataodi, ata sunago eai se aiduiedi:

⁴³isi tatao mo edi ribatausae se gadosisiei: Eaubada ena ribatausae nige se gadosisiei doha.

⁴⁴Iesu abo i eoga i ene, “Ia i awamamohoiegu, eau nige i awamamohoiegu, na tauhetamariguma i awamamohoiei.

⁴⁵Eo ia i itagu, tauhetamariguma ie ita hinage.

⁴⁶Ea laoma ta tanoubu tautuihemarana ede, arinai ena esa esa i awamamohoiegu taba nige i miahai masigiri eai.