Juan 12:34-46

³⁴Lee re myet mkeb lo xaa nzhé: —Lo ley cheen Dios nlu lee Xaa Xaal Dios Nabeyy tubka nzo. ¿Xomod nak kwaan nii lu, lee Xaa Mzhin Ngok Myet nkin kee lo krus? ¿Cho nak Xaa Mzhin Ngok Myet, xaa nzaa lu kwent?

³⁵Jesús nzhé: —Nzoka xni lo gu nal, per naxchetra zoya. Bze gu nalsi nkee xni, zee nalat yalnakaw lo gu mod tub kwaan nankambazt gu; nel lee xaa nze lo yalnakaw nanet xaa pa naz nzha xaa.

³⁶Bwii gu lo xni nal, nel nzokaya lo gu, zee gak gu xinn xaa nak xni. Gorna ngulo nzhé Jesús re kwaane, nya xaa nu mkaxlaan xaa lo re myet.

³⁷Nu nixa mle Jesús zyen doo kwaan gro doo delant lo re xaa, per nangwiit re xaa lo xaa;

³⁸nel snee zee mbarlo kwaan mkee Chay, xaa mzaa kwent kwaan nzhé Dios lo lee xaa yilo, leezha mkee xaa: Xaa Nabeyy, namkayaat xaa re wdizh kwaan nzaa nu kwent, nixa nle lu re kwaan gro doo lo xaa. Is. 53:1

³⁹Kwaanzee namwiit xaa lo xaa, nel noka mkee Chay:

⁴⁰Nu mod xaa nanyenit lo nzhak xaa, zee nyent mod gon xaaya, zee nyent mod wii xaa loya, zee nyent mod laya lextoo xaa, kwaane nle zee nambaret xaa lo na zee nasekwent na xaa. Is. 6:10

⁴¹Chay nzhé re kwaane, nel ngune xaa lo yalnabeyy cheen Jesús, zee mzaa xaa kwent cheen Jesús.

⁴²Per nixa sneeya, zyen xaa lazh nu, xaa non, mzelo ngwii lo Jesús, per nzheb xaa yé xaaya, nel nzheb xaa ne xaa re fariseo, napaka goo xaa xaa pa nseed re nu xtizh Dios.

⁴³Nel mas nyula re xaa kwi wen xaa kwaan myet ke kwaan Dios.

⁴⁴Jesús ngunii dublegan nzhé: —Loka xaa nzhon kwaan nii na, nanzhont xaa nebse kwaan nii na sinka noka nzhon xaa kwaan nii Xuz na, xaa mxaal na.

⁴⁵Nu loka xaa nlu na lo, noka nlu xaa mxaal na lo xaa.

⁴⁶Na nak kwenta xni, nu myal na yizhyo ne zee wii re xaa lo na, zee nalaket xaa lo yalnakaw.