Juan 12:34-46

³⁴Jesús chasa ni­uraka, chipi kag­kunaka nir­ka­kuna: —Ñugpa­manda librupi kawas­pa­ka, iachan­chimi, Taita Dius agllaska Cristoka ñi ima­ura­pas mana wañun­ga­pa kagta. Nig­pika, ¿imapatak kamka ni­kungi: “Runa Tukuskata chaia­kumi, atari­chii tukun­ga­pa”? Chi Runa Tukuska, ¿pi­manda­tak ni­kungi?

³⁵Chi­ura, Jesuska ainir­ka­kunata: —Mailla puncha­kuna­lla­mi kai puncha­ia­chig, kam­kunapa chaug­pi­pi kan­ga­pa ka. Kai puncha­ia­chig kam­kuna­wa kan­kama, nuka­wa purii­chi; chasaka, mana kam­kunata tuta­iai apig­samun­ga­pa. Tutapi purig mana iachanchu maipi ri­kugta.

³⁶Kai puncha­ia­chig kam­kuna­wa kan­kama, suma iuia­wai­chi. Chasaka, puncha­ia­chig Taita Diuspa wam­bra­kuna­mi kan­kan­gi­chi. Chasa nis­paka Jesús, pai­kuna­pag­manda anchu­rispa, mana kawa­rirka.

³⁷Chi­tuku achka suma mana ima­ura­pas kawaska­sina judiu­kunapa ñawipi ruragpi­pas, Jesus­wa mana tukur­ka­kuna;

³⁸chasaka, Isaías suti Santu Ispi­ri­tu­wa rimag imasa willaska­sina tukug­samun­ga­pa. Kasa­mi ni­raiá: Tai­tiku, ¿pi­kunatak munar­ka­kuna, nukan­chi ima willaskata suma uian­ga­pa? Mailla­kunalla. Chasa­lla­ta, atun Taita Diuspa iapa iachaita, ¿pi­kunatatak kawa­chirka?

³⁹Pai­kuna mana uian­ga­pa, Isaías ñugpa­mi willaska karka, kasapas nispa:

⁴⁰Taita Diusmi pai­kunapa ñawi­ta tuta­ia­chig­sina rurarka. Iuiai­kuna­ta­pas­mi kichurka. Chasaka pai­kuna, mana ñawi­wa kawag­sina, mana iuiai iukag­sina­mi tukun­ga­pa kan­kuna. Mana munan­kuna, nuka­wa tigramun­ga­pa. Tigramugpika, nukami ambintrani­kunata.

⁴¹Paipa iuiaipi Jesús suma atun kagta ñugpata kawaspa­mi Isaías chasa pai­manda willarka.

⁴²Chasa willa­raiaska kagpi­pas, judiu­kunapa achka taita­kuna­pas­mi Jesus­wa tukur­ka­kuna. Chasa tukuspa­pas, dimanchaimi mana kawa­riilla Jesus­manda rimar­ka­kuna. Mana kag­pika, fari­seo­kunaka tanda­ri­diru wasi­manda­mi pai­kunata llugsi­chintra­kuna.

⁴³Jesus­wa tukuspa­pas, masmi munar­ka­kuna, kikin­kuna­manda­lla suma atun­ia­chi­rii tukun­ga­pa, Taita Dius suma atun­ia­chiita sakispa.

⁴⁴Jesuska, kapa­rispa, nirka: —Mai­kan­pas nuka­wa tukus­ka­kunaka, mana nuka­lla­wa iuia­na­kun­chu. Nukata kacha­mu­wag­ta­pas­mi iuká iuia­na­kunga.

⁴⁵Chasa­lla­ta nukata kawa­wa­na­kugka, kacha­mu­wag­ta­pas­mi kawa­nakú.

⁴⁶—Kasapas. Nuka, kai alpapi kaug­sa­na­kuskapa iuiai­kunata puncha­ia­chinga­pa­mi samurkani; chasaka, mai­kan­pas nuka­wa tukugpi­kunaka, tutapi­sina mana kaug­sa­na­kun­ga­pa.