Ioanej 12:34-46

³⁴Aramaj akan japen i: Je ronadar jan nan kapun o, me Krijtuj pan potopoteta, a iaduen, kom kajoiada, me Nain aramaj en kakauda. Ij Nain aramaj men et?

³⁵Iejuj ap kotin majani on irail: Marain mi re omail anjau kij. Weweid, ni anjau marain mi re omail, pwe rotorot ender kono komail edi. Pwe me kin weweid nan rotorot, kin jaja waja, me a ko on ia.

³⁶Pojon marain, ni a mimi re omail, pwe komail en jeri en marainla. Iejuj kotin majani mepukat, ap kotila karukila pein i jan irail.

³⁷A i me kotin wiadar kilel toto mo ’rail, ari jo, irail jota pojon i,

³⁸Pwe kokop en jaukop Iejaia en pwaida, me a majani: Kaun o, ij me pojon at kajoi? O ij me lim en Kaun kajanjal on?

³⁹Irail ari jota kak pojon, pwe Iejaia pil katitiki:

⁴⁰A kotin karotonala maj arail o kakekaluakala monion arail, pwe ren jo kilanki maj arail, o ajaki monion arail, o wukila, o I en kakel ir ada.

⁴¹Mepukat Iejaia majanier, ni a kilaner a linan o katitiki i.

⁴²Ari ren jaumaj lapalap me toto, me pojon i, a pweki Parijär akan re jota ponaja i, pwe ren der lokidokila jan nan jinakoke.

⁴³Pwe re mauki konekon ren aramaj akan mon konekon ren Kot.

⁴⁴Iejuj kotin kapitie laudeda majani: Me pojon ia, kaidin nai, me a kin pojon, a me kadar ia dor.

⁴⁵A me kilan ia, a pil kilan, me kadar ia dor.

⁴⁶I kodon kamaraini jappa, pwe amen amen me pojon ia, ender mimieta nan rotorot.