24“Ndilatizeni kobiri ibodzi kuno. Kodi nkhopei na dzinali n'bzayani?” Na tenepo iwo adatawira kuti: “N'bza Seza.”
25Ndipo iye adawawuza kuti: “Pasani Seza bzomwe n'bza Seza. Ndipo pasanimbo Mulungu bzomwe n'bza Mulungu.
26Tsono iwo alibe kukwanisa kumutapa mkanwa na bzomwe iye adatawirabzo. Na tenepo iwo adadabwa na matawiriro yaceyo ndipo adanyamaliratu.
27Ndipo adabwera asaduseu winango, omwe akhalewa kuti palibe munthu ambalamuka paimpfa.
28Na tenepo iwo adamubvundza kuti: “Misiri, Mozeji adatinembera mtemo kuti: 'Munthu akafedwa m'bale wace acisiya mkazi alibe wana, ndipo m'bale waceyo mbaapite nthaka kuti abalire wana m'bale wace adafayo.
29Ndipo pakhana wanthu anomwe umbale bwao: Na tenepo wakuyamba adalowola mkazace, iye acifa. Na tenepo iye alibe kusiya wana.
30Ndipo waciwiri
31na wacitatu adapita nthaka ninga bzibodzi-bodzibzo anomwe wentsewo adapitambo nthaka acifa. Ndipo iwo alibe kusiyambo wana.
32Ndipo mkaziyo adamalizira kufambo.
33Kodi mkaziyo an'dzakhala wa yani pantsiku yakudzamuka paimpfa? Nakuti wentse anomwe akhali mkazawo.
34Ndipo Jezu adawatawira aciti: “Wanthu wa pantsi pano ambalowola na kulowozana.
35Tsono wale omwe ambayesedwa walungama kuti adzawone bzakutsogolo na kumuka paimpfa ndipo iwo an'dzalowola lini ayai kudzalowozana.
36Na tenepo iwo an'dzafa lini pomwe thangwe an'dzalinganira na anjo. Ndipo iwo ni wana wa Mulungu, nakuti adabadwa kale papsa.
37Ndipo anyakufa an'dzamuka pomwe paimpfa. Nakuti Mozeji adawonesedwa kale pacitsamba comwe cikhagaka moto pomwe iye adacemera Mbuya kuti Mulungu wa Abramu, Mulungu wa Izaki na Mulungu wa Jakobi.
38Nakuti Mulungu ngwa anyakufa lini. Tsono ni Mulungu wa wanthu wa moyo. Na tenepo wanthu wantse mbamoyo kuna iye.
39Ndipo apfundzisi wa mtemo winango adamuwuza kuti: “Misiri watawira bwino.”
40Na tenepo kucokera pamwepo mpaka kutsogoloko, alibe kudzamubvundza pomwe cinthu.
41Tsono Jezu adawabvundza kuti: Mungalewe tani kuti Krixtu ni mwana wa Davide?
42Nakuti Davide caiyeyo ndiye adalewa mubukhu la Masalimu kuti: “Mbuya adawuza Mbuya wangu kuti: “ Bwera udzakhale kuboko langu ladidi,
43mpaka ndimale kuntsotola na katende anyamadulanthaka wangu wentse.
44Na tenepo Davideyo ambacemerambo Mbuya. Kodi iye akhale tani mwanace?”
45Pomwe wanthu akhamutetekera, Jezu adauza ateweri wace kuti:
LUKA 20
LUKA 20:24-45