Lukas 20:24-45

²⁴Kasale dong ia denar eu! Mom en is o inting wet? Re sapeng potoan ong: En nanmarki.

²⁵A i kotin masani ong irail: Ari komail ki ong nanmarki, me nain nanmarki, o ong Kot, me sapwilim en Kot!

²⁶Irail ari sota kak saikikidi i a masan akan mon pokon o. Irail puriamuiki me a kotin sapeng, o nenenlata.

²⁷Sadusär akai, me kin inda, me dene melar akan solar pan maureda, ap kai dong i kalelapok re a,

²⁸Potoan ong: Saunpadak, Moses intingie dong kit, ma ri ol en amen pan mela, me a paud li dapwan men, ri a ol ap pan paudekida i, pwen kaipwi ong ri a ol na seri kai.

²⁹Ari, pwin pirien, ol isimen mia, men mas paudeki li amen, ap mela, a sota na seri ko.

³⁰A kariamen paude kida li o ap mela a sota na seri ko.

³¹A kasilimen paude kida i, iduen ir isimen karos, re mela, ap sota nairail seri ko.

³²A ikmuri li o pil mela.

³³Ari, ni en me melar akan ar iasada, a pan en is a paud? Pwe ir isimen karos paude kida i.

³⁴Iesus kotin masani ong irail: Seri en sappa et kin papaud o kapapaud.

³⁵A me war ong ale eu sap o konodi maureda sang ren me melar akan, re sota kin papaud de kapapaud.

³⁶Pwe re pil solar kak mela. Pwe re paroki ong tounlang kan, o re seri en Kot akan, pwe re seri en kamaur.

³⁷A duen en me melar akan ar pan maureda, Moses pil kadededa, ni a udial tuka o, ni a kaadaneki Kaun o: Kot en Apraam, o Kot en Isaak, o Kot en Iakop.

³⁸Pwe Kot kaidin Kot en me melar akan, a en me maur akan, pwe karos memaur ong i.

³⁹A Saunkawewe kai sapeng indada: Saunpadak, ar masan me pung.

⁴⁰Irail ap solar kak peidok re a okotme,

⁴¹I ari kotin masani ong irail: Iaduen ar indinda, me Kristus nain Dawid?

⁴²A pein Dawid katitiki nan puk en Psalm: Kaun o kotin masani ong ai Kaun: Mondi ong ni pali maun i.

⁴³Lao I pan wia kida om imwintiti utepan nä om.

⁴⁴Dawid ari wia kin i a Kaun, a iaduen a pan kak na ol?

⁴⁵A ni aramas karos rongadar, a kotin masani ong sapwilim a tounpadak kan: