SAN LUCAS 20:24-45

²⁴Tjagohna ni ra ná tomi. ¿Quensen con jinganito jihi, co quensen nombré jitaxin jihi? Jehe xa vinttendac̈ho xa: ―Con xiemperador co nombré xa.

²⁵Cottimeja ndac̈ho Jesús ngain xa: ―Mexinxin chjehe ra xiemperador tti jiquininxin xa, co danjo ra ngain Dios tti jiquininxin sayé jehe.

²⁶Co jamé c̈hoha joinchenichja xa Jesús ni ná cosa nchaoha; sino que vinttegoan xa admirado de ixin tti ndac̈ho jehe co jamé ndavinttetencoa xa.

²⁷Después de cain jihi canxion xisaduceo vinttecji xa ngain Jesús. Xisaduceo vaguitticaon xa que chojni que ndadenhe irroxechonha na; mexinxin ndac̈ho xa ngain Jesús:

²⁸―Maestro, ley que vayé Moisés jitaxin que si ná xí ndadenhe xa co sittohe c̈hihi xa co si ẍonhi chjan joichonda na, xichó xindavenhe chonda xa que secao xa jehe nc̈higanha mé co rrochonda na chjan para que chjan mé sehe xan inchin xenhe tti ndavenhe.

²⁹Nchao remé; vintte yáto xí, chó xa. Xisaho vecao xa nc̈hic̈hihi xa pero ndavenhe xa co ẍonhi chjan cointtohe xa.

³⁰Xiyoxin vecao xa jehe nc̈higanha mé, pero cai ndavenhe xa co ẍonhi chjan cointtohe xa ngain nc̈higanha mé.

³¹Cottimeja xininxin vecao xa jehe nc̈higanha mé pero ẍajeho jamé conhe xa. Co jamé hasta tti yatoxin xa ndavenhe xa cai co ẍonhi chjan cointtohe xa ngain nc̈higanha mé.

³²Co después ndavenhe nc̈higanha mé cai.

³³Mexinxin are rroxechon na, ¿Quexehe de tti yáto xí mé sehe mero xixihi jehe nc̈hí mé, ixin cain xa vinttecao xa nc̈hí mé?

³⁴Cottimeja ndac̈ho Jesús ngain xa: ―Ngain mundo jihi, xí co nc̈hí tottehe na.

³⁵Pero tti chojni que tequininxin tsji para ngajni co rroxechonxin na de tti ndavenhe na, nttiha ni tsotteha na, ni sanjoha na xenhe na para tsottehe xan

³⁶ixin nttiha ic̈hoha ndasenhe na. Are mé sintte na inchin ángel de Dios co sintte na xenhe Dios ixin Dios tti sinchexechon na.

³⁷Hasta ngain tti parte que coentaxin Moisés ixin vicon ẍohi ngagaha canchaha, jehe mismo jointtanoa na que ixin chojni que ndadenhe rroxechon na. Nttiha ndac̈ho que Dios, Dios de Abraham, co Isaac, co Jacob.

³⁸Pero Dios jeha Dios de nindadiguenhe, sino que Dios de tti nitechon. Co mé rroc̈ho que para ixin Dios cain chojni techon na.

³⁹Cottimeja cainxin ximaestroe ley vinttendac̈ho xa: ―Nchao ndac̈ho, Maestro.

⁴⁰Co icjanha xa joanchiangui xa icha ngain Jesús.

⁴¹Jesús ndac̈ho ngain na: ―¿Queẍén ndac̈hoxin chojni que ixin Cristo ná xannttí David?

⁴²Ixin David mismo dindac̈ho janhi ngain libroe Salmo: Tti Ttetonha cainxin cosa ndac̈ho ngain tti Ttetonna janha: “Darihi ngain lado jian na,

⁴³hasta que janha sinttagacha jaha de ngain cain tti ningaconha.”

⁴⁴¿Pero queẍén que Cristo jehe ná xannttí David, si David mismo ndac̈ho ixin Cristo tti Ttetonha ngain jehe?

⁴⁵Cainxin chojni nttiha tatettinhi na are Jesús ndac̈ho janhi ngain tti chojni que vacao: