Luka 20:24-45

²⁴“Sikaven manđe jekh rupuni para savesa počinen o porezi. Kaso muj si kate ke pare thaj kaso alav?” A von savore vačarde: “E caroso.”

²⁵A vov vačarda lenđe: “Den so si e caroso e carose, a so si e Devleso den e Devlese.”

²⁶Thaj naštine aračhen khanči bilačhe ane lese lafura angle manuša, thaj divisajle pašo leso vačaripe, thaj khanči ni vačarde.

²⁷Gija avile nesave sadukejura save vačarena kaj khoni ni ka uštol tare mule, thaj pučhlje e Isuse:

²⁸“Učitelju! O Mojsije amenđe dija zakono kana merol nekaso phral, thaj ačhavol romnja a ni sasa len čhave. Gova manuš trubul te lol pe phralese romnja te šaj bijanol čhave savese ka preperol sa o barvalipe e muleso thaj te phiravol leso alav.

²⁹Sesa efta phrala, a angluno lija romnja thaj mulo bize čhave,

³⁰thaj o dujto lija la, thaj vov mulo,

³¹thaj o trito lijala, i gija so efta. Thaj ni ačhade čhaven pal peste, thaj savore mule.

³²Thaj empalal muli i romni.

³³Kana ka ušten e mule, kasi romni ka avol golese kaj sasa so eftanenđi romni?

³⁴“Thaj o Isus vačarda lenđe: “Manuša kale svetose len pe thaj den pe.

³⁵A okolen saven o Dol dičhol sar dostojna te ušten tare mule, thaj ka aven đuvde an kova sveto savo avol, ni ka len pe thaj ni ka den pe.

³⁶Golese kaj nakašti ni meren, golese kaj ka aven sar melekura. Von si e Devlese čhave, golese so o Dol ka vazdol len tare mule.

³⁷A kaj e mule ka ušten, thaj i o Mojsije vačarda andaro Sveto Lil kaj pisil taro grmo kaj e Rajo dol vika sar Devle e Avraameso thaj Devle e Isakoso thaj Devle e Jakoveso.

³⁸A o Dol naj Dol e mulengo nego e đuvdengo, golese so si lese savore đuvde.”

³⁹A nesave učitelja tare Mojsijaso zakono vačarde e Isusese: “Učitelju! Šukar vačardan.”

⁴⁰Thaj khanči ni tromaje te pučenle.

⁴¹Thaj o Isus pučlja len: “Sar gova vačaren kaj si o Hristos čhavo e caroso e Davideso?

⁴²Kana korkoro o David vačarol ane po psalmo: 'Vačarda o Rajo e Rajose mingrese: 'Beš ko počasno than paše mande

⁴³đi kaj ni pašljarav e dušmanen ćiren.'”

⁴⁴O David akharda le Rajo, pa sar šajine te avol leso čhavo?”

⁴⁵Thaj angle sa e manuša, o Isus vačarda pe sikadenđe: