San Lujc 20:24-45

²⁴―Gol balüü tijb cintabl lon. ¿Chu loj ca lojn chu tëë laj ca lojn? Badxiꞌ reeman laan, rëb reeman: ―Loj rey César ca lojn në lajman.

²⁵Dxel rëbaman loj reeman: ―Gol badëëcliza loj rey César ni na̱j xieen César, guiáad loj Dios gol badëë ni na̱j xieen Dios.

²⁶Abiꞌ gra ni guneeman niz loj ree bejn, achetri badxejl nudxiib reeman guijc din niniaaz reeman laaman. Badxali loj reeman ni guneeman abiꞌ achetri rëb reeman.

²⁷Tioꞌp choon ree bénsaducew bignaj Jesús, bénsadusew guin ree ad rliladxt reeman guial yaban ree bengüt, zeel rëb reeman loj Jesús:

²⁸―Mextr, loj xley Moisejs rëb guial bal guiët tijb xinguiaaw abiꞌ achut xiꞌnx guyu con lacheelix, bijch xingüt guin guxhliaanë béngunaa bizëjb guin din chuꞌ xiꞌn reex ziꞌc gulüü xiꞌn xin güt guinan.

²⁹Guyu tijb famil lod goc reex gajdx bijch. Baxhliaa xin yaloj guin, per güjtix abiꞌ ad guyut xiꞌn reex con lacheelix.

³⁰Dxel bijch barojpix baxhliaanë béngunaa guin, per güjtgajquix ad guyu gajct xiꞌn reex.

³¹Zianz baxhliaanë xin bayon guin béngunaa bizëjb guin, zianz baxhliaanëman guigajdx reex abiꞌ gra reex güjt achut xiꞌn reex guyu con laaman.

³²Ni bigratë në béngunaa guin güjt.

³³Yan, chi yaban ree bengüt, ¿chu loj guigajdx reex gac xbéngunaa laaman guial gra reex baxhliaanë laaman?

³⁴Dxel rëb Jesús loj reeman: ―Loj guidxliuj guie ruxhliaa ree bejn abiꞌ rudëëd xiꞌn reeman ruxhliaa.

³⁵Per ree bén yaban zatijb, bén rayal ree gap guialnaban tiblayaa con Dios, ad zuxhliaatri reeman ad zudëë tëëtri xiꞌn reeman guxhliaa,

³⁶din ad zëjttri reeman, gac reeman ziꞌc ree xianjl Dios. Gac tëë reeman xiꞌn Dios guial ma baban reeman.

³⁷Abiꞌ xcwent ni yaban ree bengüt, xt Moisejs rëb zian tiblajt loj xtiidx Dios lod rëbaman guial baguiaaman yag ni cayeꞌc. Yagaj rëb Dios lojman guial Dios na̱j xDios Abraham, xDios Isaac, në xDios Jacob.

³⁸Din Dios ad najtaman xDios ree bengüt, najman xDios ree bén naban, din par laaman gra ree bejn naban.

³⁹Dxel yuꞌ ree mextr rajc ley, rëb lojman: ―Mextr, zagdxequi guneel.

⁴⁰Abiꞌ achetri bayax reeman niniabdiidx reeman lojman.

⁴¹Rëb Jesús loj ree bejn: ―¿Chexc zeel rëb ree bejn guial zëëd Cristo loj xdiaa rey Davi?

⁴²Awa Davi guin gajc gunee loj libr Salmos, rëbaman: Dios rëb loj dux Dad ree: “Gurej da ladbeen,

⁴³xt gabecan xin rdxeꞌch ree lüj guiaꞌl.”

⁴⁴Yan, bal xiꞌn Davi na̱j Cristo. ¿Chexquiza zeel rëb Davi guin lojman Dad?

⁴⁵Laꞌtgaj cucaagdiajg gra ree bejn ni rëb Jesús, rëb loj ree xbejnman: