Luke 20:24-45

²⁴ke einge ena, “Ungota koro vahai umbuto ikevu kione,” ainge enu ikeo umbuto einge ena, “koro hamota embo ta tombu kikiva ari emite javo kajari te amo amutare?” ainge enu

²⁵“Caesar ta ra” eo Iesu na ke einge ena, “Aravora Caesar ta donda kito amo Caesar ta ikevu eto God ta donda kito amo God ta ikevu,” ainge enu

²⁶ingito Iesu na ke sapura nei do ae rate ke javotoho ena avo ingito haha puha eto ke ambupu ea.

²⁷Eto Sadducees embomeni na vasiri te erari avo ke be ae ue ere ijiaetera avo Iesu ta degi puvuto

²⁸ke einge eto ingia, “Ate poekari embo. Eto Moses na ke amo einge kajena. ‘Embo ta ae meni umbae mitirou ivu amburesuja, eto namei na namei hondate eto jimbuto be ikasuja’ ainge Moses na kajena

²⁹Eto embo tapa 7 amo jo vahai ta amina meni bugo na jimbuna eto ae meni umbae mitinu ivu ambunu

³⁰bugo ta kakane amina jimbuna amo meni umbae mitinu ivu ambuna

³¹Eto ainge pere ue pambuto gasi meni amina jimbuna amo ainge meni umbae ambuna

³²eto ambo be ta amo pamone amina ambuna.

³³Eto enana tapa 7 avo vasiri te hoasora amo pamone amo embo amuta ae au?” ainge eo

³⁴Iesu na ke mine einge ena, “Embomeni eha mitera amina jimbuora

³⁵te vasiri te erari iji puvurou God na embo siriketo au erasora rate mane jimbasora

³⁶amita be amo embo na vasiri te erari avo hoteto umbuto ehako mane amburesuja te anera ga inono ue God ta meniundi aisora. Eto vasiri te erari amita ke be amo Moses na ke kajena.

³⁷Eto Moses na i basa evikitina amita jo ta ke einge ingina ‘Na Abraham ta God, Isaac ta God, eto Jacob ta God ra,’ ainge ijinu ingina avoeto kajena.

³⁸Avoeto God amo embo amburari ta God manera te embo vasiri te iriora amita God. Eto embo tapa amo God ta degi vasiri te ra,” ainge enu

³⁹ke pepeni simba ari embopo nei uhoho na “Ate poekari embo no ke javotoho etea” ainge eo

⁴⁰embo tapa na eto ingari ke nei ae oju ue toa

⁴¹Rate Iesu na enana ta degi ke einge ena, “Embomeni na do eto Judea ta hondate embo Keriso amo King David ta ahije ke eore?

⁴²Eto King David amina book javo ‘Psalms’ ai ta ke einge kajena, ‘God na na David nau Bada ta degi ke einge ena, ‘Nau ingeni be ei ta arumbeto iriro

⁴³nane no kitoho teto ikano inena utu na hatiresoa’,’ ke ainge David na kajena.

⁴⁴Eto David na Judea ta hondate ari embo Keriso amo nau Bada ra ena avoeto amo naingeto amita ahije au?” ke ainge eto

⁴⁵Embo tapa ingiho amita ambotani ta degi ke einge ena,