San Lucas 20:24-45

²⁴—Kol kluuy tu pes lon dyon. Loxsye buy Jesúso, lëë xaa chëb: —¿Chonre dyon kë loo go, ni cho lë kë nu? Lëë xaa chëb: —Lëë xtisy Roma ni lë xaa kë loo go.

²⁵Tsigo lëë Jesús chëb: —Kol kizh nii nsëëb to lo xtisy Roma tsigo busy, ni kol kizh kaa nii nsëëb to lo Dios.

²⁶Aan pchilody nyuuñ knee xaa tu cos nii nchilo nguëëkiy xaa Jesús. Lëël lëë xaa psee biñ xaa nii kwnee Jesús, aan kwneedre xaa.

²⁷Lëë bla xaa saduceo kwey lo Jesús. Lëë xaa saduceo xñee nii kpañdy meñ kuty, por ngo lëë xaa kukëb lo Jesús:

²⁸—Maestre, lëë Moisés chëb nii deelñee ktsiilña tu xaapkiy aan klyëëdy kety xaa, no nii ktsiilña betsy xaa kwnaa nii psaan xaa deelñee chapty me mëëd, parñee kap tsiil betsy xaa nii kuty mëëd.

²⁹Tu vuelt name kwyo tu xaa nii kop xoop betsy aan lëë xaa ptsiilña. Per blyëëdy lëë xaa kuty, aan como kopty tsiil xaa mëëd,

³⁰lëë tu betsy xaa ptsiilña tsiil xaa aan lëë xaa kutyak.

³¹Singo gak ptsyool stu betsy xaa. Ksa kadzy xaa ptsiilña me, per ni tu xaa psaandy mëëd.

³²Lëë byalo wi kwnaa go kuty.

³³Kwnë na dyon cho xaa kyaani kwnaa go tsiñee lëë meñ kuty kpañ, deelñee ksa kadzy xaa ptsiilña me.

³⁴Tsigo lëë Jesús chëb: —Lo kislyu re busy xtsiilña mguiy ni xtsiilña kwnaa,

³⁵per lëë meñ nii kchal kpañ kpaa, ni mguiy ni kwnaa gaa ktsiilñadre.

³⁶Por kejtre meñ go, sink lëë meñ go kak sinak angly ni lëë meñ go kak xiñ Dios porñee lëë Dios kuuñ kpañ meñ go.

³⁷Ni axte Moisés kaa xluuy lo no nii nli xpañ meñ kuty por worñee kon xaa yakitsy nii noyek xñee xaa nii lëë Dios nak xDios Abraham, xDios Isaac ni xDios Jacob.

³⁸Aan Dios gon nakty xaa xDios meñ kuty, sink xDios meñ mbañ nak xaa, porque par Dios kchë meñ nii kuty mbañ.

³⁹Tsigo lëë bla maestre ley chëb: —Maestre, buen ptikcheel lo xtiits xaa nii kwnabtiits lool.

⁴⁰Aan byaxtre meñ nyabtiits pe stu cos lo Jesús.

⁴¹Loxsye ngo lëë Jesús chëb lo meñ: —¿Penak dyon xñee do nii lo xtiiy rey David sëëd Crist?,

⁴²con misme David na pkëë leñ kitsy nii kë salmos sinrii: Chëb Dios lo xaa nii xñabey naa: “Kwsob kwin nëzli,

⁴³axte nii tsitsiñ tse nii kñabeyoo lo kchë meñ nii xlëë lool.”

⁴⁴¿Xa kchoo Crist lo xtiiy rey David, deelñee misme rey David xñee nii lëë Crist xñabey lo xaa?

⁴⁵Kchësy meñ nche jkëëtyag nii nonee Jesús aan lëë xaa chëb lo xpëëdscuel xaa: