SAN LUCAS 20:24-45

²⁴Cona̱hma ne a̱ma tume u. Cuahn che ndihchero ye tume me ne, tumerune ye sa̱hn: ―¿Duh yavena̱n ma̱n, duh che duche ma̱n, quenan na̱n tume cuh ne? Ndahconan sa̱hn chahn: ―César.

²⁵Tuhme ra̱hn ye ri ye sa̱hn: ―Cha che rihquentiyon César ne, codinahn nchuhn, ne cha che rihquentiyon Dendiohs ne, namin codinahn ne.

²⁶Hua chi tumerande se ihyan nduco nde a̱ma ndudo na̱n ihyan ya̱n. Cuahn ino se chi yahn che tihca̱ ndahconan ye, ne chahte dihn chende se.

²⁷Chihno min ne, nda̱ a̱ma o sa̱hn saduceo. Sa̱hn chahn ne, hua ritahno se che va che ntuche tena̱hn. Ra̱hn se ri se Dihvo vo:

²⁸―Ihyan Ricuahn, na̱n ley che dirun Moisés ne, rihquentiyon tuhca̱: “Ndete che coh a̱ma se che hua nda̱ca da̱ya se nduco nda̱hta yahn se ne, va che cahneva̱co dihno se nduco te, ca̱va che hua cuihno nda̱ta yahn dihno se.”

²⁹A̱ma yune ne, chahte ndache se che dihno se vih. Sa̱hn che mena̱n me ne, chihneva̱co se nduco a̱ma nda̱hta. Ate hua no ra̱hn me ne, chih se, ne hua nda̱ca da̱ya se nduco te.

³⁰Chihneva̱co a̱ma dihno se nduco te, ne namin chih se, ne hua nda̱ca da̱ya se nduco te.

³¹Tihca̱ queri a̱ma sa̱hn chahn, nduh che ndache se, chihneva̱co se nduco te, ate chih nducoya̱ca se nde a̱ma se hua nda̱ca da̱ya se nduco te.

³²Adive ne, chih nda̱hta me.

³³Nda̱ ro che ntuche tena̱hn ne, nducote nduh che ndache se chihneva̱co se nduco ta̱hn min ne, ¿cha se che nda̱hta yahn se ta̱hn ne?

³⁴Tuhme ndahconan Dihvo vo: ―Ihyan che vate ye ma̱n ro cuh ne, rihneva̱co ye ma̱n, redeca̱hnova̱co ye ma̱n.

³⁵Ate nda̱ ro che ntuche tena̱hn ne, ihyan che ndevahn ye ne, metah cahneva̱co ye, nde metah deca̱hnova̱co ye,

³⁶te ametah ndaconan coh ye. Nducote ntuche ihyan chahn va̱n tena̱hn ne, nedin da̱ya Dendiohs ihyan, ne nduhca̱ ángel ne, tihca̱ co ye.

³⁷Yahn che va che ntuche tena̱hn ne, ma̱n Moisés dirun ye yahn cuahn che riche ya̱hn ya̱n me: “Dihvo vo Dendiohs ne, Dendiohs yahn Abraham ma̱n, Isaac ma̱n, Jacob ma̱n.”

³⁸Dendiohs ne, Dendiohs yahn nducoya̱ca ihyan, ihyan che chenduche ye ma̱n, ihyan che a ndih ye ma̱n, te na̱n ye ne, chenduche nducoya̱ca ye.

³⁹Tuhme ra̱hn a̱ma o sa̱hn devano ley che dirun Moisés ri se Dihvo vo: ―Ihyan Ricuahn, cua̱co niyon ra̱hn ne.

⁴⁰Nduco chemin ne, ametah chihquino se tumerune ca se ihyan.

⁴¹Ra̱hn Dihvo vo ri ye sa̱hn chahn: ―¿Dehra cuande che rente ihyan te ihyan che a va ca̱de che chi ye, ndedevahn ye ihyan iyehnse ne, Da̱ya David ihyan?

⁴²Ma̱n David a dirun ye na̱n libro yahn Salmo: Ra̱hn Dihvé Dendiohs ri ye Dihvé: “Cuihnde muhn la̱do ta̱h cua̱có,

⁴³numanahn che nda̱hco ndiyá ihyan che hua ri rendihche ye di.”

⁴⁴Nducote dirun David te ihyan min che Dihve ye ne, ¿ta̱ca̱ che da̱ya ye tuhme?

⁴⁵Na̱n nducoya̱ca ihyan che chenun ye min ne, ra̱hn Dihvo vo ri ye ihyan apóstol yahn ye: