LUCAS 20:24-45

²⁴Guluu te med lo noo. ¿Txu lo wa no txu la wa ka lo we? Wke men re men: ―Lo rrey-Roma we no le la rrey-Roma we.

²⁵Lex re Ne lo men: ―Guex gudee ne nak xen rrey lo rrey, le ne nak xen Dëdyuzh gudee lo Dëdyuzh.

²⁶No delo lo yrandxee diiz ne re Ne nes lo yrandxee mén, axtegue bet wzëldet gan pe nkanlo men chen nkagyii men Ne, lel rzee rzak men yra ne rke Ne. Noze chi wbiin men.

²⁷Wa tebëd men ne nak sadusew lo Jesus. Kom rlaleedxdet men ne sban mengut, por neguin re men lo Ne:

²⁸―Maxter, lo ley ne wdee Dëdyuzh lo Moises zëëd ne belne guet te mén, per wapdet xewnaa men mëëd, bech men rap degne ytsëlnyano wnaa guin, chen gap men mëëd ne gak zegnak zhiin mén guin ne wet.

²⁹Tebtir wuu guedx mén, tese bech men yra men; lex wtsëlnya men ne nak mengoldee lo men yra men, per wet men; wuudet zhiin men.

³⁰Lex wtsëlnya men ne wrup yrup men xewnaa men guin. Laake wet ke men; wuudet ke zhiin men.

³¹Lex wtsëlnya men ne wyon yrup men wnaa guin, zenga ke wzak men. Zenga wlaa men yra men axtegue ne wzaa men guedx, yra men wet; ni te men wuudet zhiin.

³²Wyal wdebo, wet ke no wnaa guin.

³³Orrenaa, chene yban mengut, ¿txu xewnaapee gak wnaa guin ne yrandxee guedx mén guin wtsëlnyano men?

³⁴Wke Ne re Ne lo men: ―Nee gyëzlyuree, rtsëlnya mgyeey, rtsëlnya wnaa.

³⁵Per le men ne yban no ne ryal gap ste gyelembán, che ytsëlnyadetre men, ni mgyeey ni wnaa,

³⁶porke guetetre men, sinke zegnak angel gak men no zhiin Dëdyuzh nak men por ne wban men.

³⁷Si laake Moises wkaa ne sban mengut, ledne wkaa Moises xkwent gyëtsbne ne kayeeky. Nga wkaa Moises ne XDëdyuzh Abraham nak Dëdyuzh, XDëdyuzh Isaac, XDëdyuzh Jacob.

³⁸Nakdet Dëdyuzh XDëdyuzh mengut, sinke le Dëdyuzh nak XDëdyuzh menmbán, porke por Dëdyuzh yrandxee mén mbán.

³⁹Lex re tebëd maxter ley lo Ne: ―Wen wnii de, Maxter.

⁴⁰Wyezhdetre men nnabdiizre men lo Ne.

⁴¹Lex wnabdiiz Jesus lo men yra men, re Ne: ―¿Penak re mén ne xpee David nak Crist?

⁴²Si laake David wkaa lo liber Salmos ledne re: Dëdyuzh re lo XDëdyuzh noo: “Gusob koo noo ladbëë

⁴³axtegue ne ylaa noo ne gyichnii de yrandxee mén ne rlaa lo de.”

⁴⁴Por neguin belne David ke rnesela Crist XDëdyuzh David, ¿pezee gak Crist xpee David?

⁴⁵Yrandxee mén ndxin ron chene re Jesus lo xpén Ne: