SAN LUCAS 20:24-45

²⁴Latané moneda ca guuya'. Tu cá lú ni. Para na ca': ―César.

²⁵Oraque rabi be laaca': ―Laudii César sti César, ne laudii Dios sti Dios.

²⁶Bidxagayaa ca modo bicabi be laaca', ne dxi do' uyuu ca' purti qué nidxela ca modo nusaba ca laabe nezalú ca binni que.

²⁷Ne laca beeda caadxi saduceu ra nuu be, cani qué runi cre pa dxandí zabani gue'tu'. Ne na ca rabi ca laabe:

²⁸―Maistru, bicaa Moisés lu gui'chi pa chu' ti hombre ichaganá ne gueda gati, qué ñapa xiiñi la? naquiiñe ichaganá bi'chi be xheela be ne gapa xiiñi casi ñaca xiiñi be.

²⁹Uyuu gadxe bi'chi'. Bichaganá lugola que ne beda gati, qué ñapa xiiñi'.

³⁰Para bichaganá rairopa que gunaa que ne laca guti, qué ñapa xiiñi'.

³¹De raqué bichaganá raguionna que gunaa que, ne zaqué bichaganá idubi gadxe que gunaa que, ne guti ca'. Nin tobi ca qué ñapa ca xiiñi ca'.

³²Ne laca guti gunaa que.

³³Yanna ora ibani gue'tu ya', uná de laacabe xheela gunaa que, purti idubi gadxe cabe bichaganá cabe laa.

³⁴Para rabi be laaca': ―Laga nuu binni ndaani guidxilayú ri la? richaganá ca' ne rucheela ca'.

³⁵Peru cani ma cá lá guiasa de lade gue'tu para ibani ndaani guidxilayú cubi la? qué zachaganá ca ne qué zucheela ca';

³⁶purti ma qué zati ca', sínuque ma naca ca casi ca ángel, ne zahuinni dxandí xiiñi Dios laaca ra usibani laaca'.

³⁷Dede Moisés bisiidi zabani gue'tu'. Cá ni lu gui'chi ra biiya be dxa yaga caya'qui que. Rabi be Dios Dios sti Abraham, ne sti Isaac, ne sti Jacob.

³⁸Dios la? cadi Dios sti gue'tu laa, sínuque Dios sti cani nabani, ne para laabe nabani irá binni, neca ma guti.

³⁹Oraque na caadxi de ca maistru de ley: ―Jneza uníu', Maistru.

⁴⁰Ne ma qué ñuni ru ca pur ninaba diidxa ca laabe gasti'.

⁴¹Ne rabi be laaca': ―Ximodo nga na tu xiiñi David Cristu ya'.

⁴²Purti dede David bicaa lu Salmo: Na Dios rabi Señor stinne': “Gurí cuee'

⁴³dede ora ma udixhe cani nanala'dxi lii xañee lu'.”

⁴⁴Pa rabi David laabe Señor sti la? ximodo xiiñi David laabe ya'.

⁴⁵Irá binni que bina diaga ora rabi be ca discípulu stibe: