LUKA 20:24-45

²⁴Silver monina ta ba haheitalaigu. Daika laulauna bona daika ladana bini? Idia eto, Kaisara.

²⁵Bena ia eto, Kaisara ena, Kaisara ba henia; Dirava ena, Dirava ba henia.

²⁶Bena aru taudia vairadiai ena hereva amo asie idoaia; ena haere e hoalaia, asi edia hereva ta.

²⁷Una murinai Sadukea taudia haida ia dekena ela: una orea e tomava mase na basie tore isi lou. Bena e nanadaia, eto,

²⁸Hahediba taumu e, Mose ese emai taravatu e henimai, eto, Tau ta baine mase bona vabuna baine noho asi natuna, vabu na ihana ese baine adavaia, natuna baine havaraia mase tauna ena.

²⁹Benaini, tadikaka hahitu e nohova, tau guna ese hahine ta e adavaia, to asi natuna vada e mase.

³⁰Ihararuana bona ihatatoina ese una hahine e adavaia,

³¹ela bona hahituosi ese vada e abia. To iboudiai e mase, asi natudia.

³²Gabeamo hahine danu vada e mase.

³³Tore-isi-lou negana ai, una hahine na daika adavana? Badina be hahituosi ese e adavaia.

³⁴Iesu e haere, eto, Ina tanobada taudia ese hahine e abidiamu, bona e headavamu.

³⁵A do bainema basileiana ai kara maoromaoro taudia na bae tore isi lou, bena basie headava,

³⁶bona basie mase lou; idia na aneru ida bae heḡereḡere bona Dirava natuna ai baela, badina be idia na toreisi-lou taudia.

³⁷A mase amo e tore isi lou herevana na Mose ese au ḡiniḡini sivaraina lalonai vada e hamaoroda, Lohiabada vada e gwauraia: Abramham ena Dirava, Iakob ena Dirava.

³⁸Banaini, ia na dia mase taudia edia Dirava, to mauri taudia edia; badina be taunimanima iboudiai na ia dainai e maurimu.

³⁹Itorena taudia haida eto, Hahediba taumu e, hereva maorona benai.

⁴⁰Bena unu amo asie nanadaia lou; vada e gari.

⁴¹A ia ese e nanadaidia, eto, Badina be dahaka taunimanima e tomamu Keriso na David natuna a?

⁴²David na Salamo lalonai eto, Lohiabada ese egu Lohia e hamaoroa, eto, Lau idibagu kallana ai ba helai,

⁴³Ela bona inaimu iboudiai na Oi aemu ihadaidia ḡaudia ai baina halaodia.

⁴⁴O David sibona ese “lohiabada” e gwauraia be edeheto ia na ia natuna?

⁴⁵Bena taunimallima iboudiai vairadiai ia ese ena hahediba e hamaorodia, eto,