Luk 20:24-45

²⁴“Ahatanga siang mukiring tela nanga. Gaxarea babunoa li? Gaxarea yanoa wa mana?” Dahaxuya ba, “Sisa naga.”

²⁵Baing harua nadi ba, “Tauna, axadi Sisa iniadi, asinadi na Sisa, saing axadi Urana iniadi, asinadi na Urana.”

²⁶Baing ina naga, sanga ba dilanglangua bu harua doa lipudi maxadingia te. Dihixi mana haxuyanganoa, binabu dimumguti.

²⁷Baing bakbakka Sadyusi teladi dima rangua bu duxusunga mana axamang tela. Ding dahatiam mana lipudi bagula dimesa muli.

²⁸Daharua ba, “Lipu Tubatubaingam, Moses bung haruanga tela makira Urana Xuania ba nabu lipu tela mati, sangua haininoa, ne garang tate, bing kixinginoa bagula yau sabanganoa tabinoa bu tang daxap garadi masok, saking sabanganoa bakbagindi bagula disup te.

²⁹Tauna, bunging tela neng sabangang 7 duwa. Mugamugangama yau haing tela saing mati, garang tate.

³⁰Bing kixinginoa ma kimu mana mugamugangama yau tabinoa saing mati, garang tate.

³¹Hiliadinga kubolu taininau. Bila balau laing disup,

³²baing ina naga, hainga mati.

³³Tauna, kimuya, bungina lipudi dimesa muli, bing haingga ba bagula wa gaxarea haininoa sibuna? Namua na 7 ding diyau ba.”

³⁴Yesu haxuya ba, “Lup haingdi duwa hawa titia li diyau.

³⁵Ne kimuya lipu gaxarea Urana harua ba dimaring ba dimesa muli bu duwa long xaiya bagula diyau ding te,

³⁶saing sanga ba dimati muli te, namua na duwa bila Urana uleginamdi. Ding Urana garandi, namua na itidi dimesa muli mana matiyua.

³⁷Moses hatanga nakira ba ding longgalo dimati bagula dimesa muli. Bungina bung xailonginoa, mana hataina naxuya mana xai kaxukana yaba wa mana ba, kimu sibuna mana mugangaradi Ebraham, Aisak xaung Yekop tung dimati ba, uxu Toxoratamona ba ‘Urana mana Ebraham, Urana mana Aisak, xaung Urana mana Yekop.’

³⁸Binabu ina Urana mana lipu matiandi te. Tegu. Ina Urana mana lipu gamatandi, namua na lipu longgalo duwa gamatana maxania.”

³⁹Lipu hanaunaunga tubatubainganam teladi daharua ba, “Lipu tubatubaingam, uharua xai sibuna!”

⁴⁰Baing lipudi dimaxuwa mana dituba mana xusunganga tela muli.

⁴¹Baing Yesu xusungadi ba, “Baruta lipudi daharua ba Urana Lipuxing Mogunganama wa Xaitamoxi Debit Garanoa?

⁴²Mana Olaidi Xailongidinga Debit ing sibuna baxanga mana Urana Lipuxing Mogunganama ba: “ ‘Toxoratamona harua na Toxoratamona ngayua ba: “Urung kabukabu yayam wa rimagu rimamo rubinia,

⁴³laing ngata bixuamdi hawa maung.” ’

⁴⁴Debit uxu ba ‘Toxoratamona.’ Tauna, ina wa Debit garanoa xauna baru?”

⁴⁵Lipu longgalo dilungu mua, baing Yesu harua na lipuxindi dinaxu mana ba,