Luka 20:24-45

²⁴“Unayange luela. Bo, kumio na nembo ya beneke?” Ngabajanga, “Kwa Nngwana jwa Loma,”

²⁵Yesu ngalenga, “Mampegange Nkolongwa jwa Loma agabi ga Nngwana jwa Loma, na mampegange Nnoongo agabi ga Nnoongo.”

²⁶Baotolingeje kunnyonja kwa lilobe lyalyoa papa nnongo ja bandu na yenie ngabatama nuu, bakaomwanga lijango lyakwe.

²⁷Penia Masadukayo abalenga kubije kuyoka. Bange kati jabe ngubunhwikalila Yesu nu kulenga,

²⁸“Aboli, Musa atulagila nyene, ‘Mundu andawile na kaleka akege gwangabe na mwana nnung'una mundu batole malekwe, kupala bampotole nnung'una gwakwe ingota.’

²⁹Na pakiba na akalongo saba, nkolongwa ngatola munkege mwene ngawe pangabe na mwana.

³⁰Jwajo nnongomundu jwa pili ngantola nawele jwenio, jwombe uyo ngawe,

³¹na jwa tatu uyo. Ikiba yenie kwa boa saba ngabawe pangabe ningota.

³²Pukujomolela, munkege jola uyo ngawe.

³³Bo, lichoba lya kuyoka abawile, munkege jwenio aba jwa beneke? Gambu boa saba bakiba bantoile.”

³⁴Yesu ngabajanga, “Bandu ba dunia jenje batenda kutolana nu kutoligwa,

³⁵nambu bandu baba Nnoongo abapambwile kuyoka lichoba lya kupela, batolaje wala kutoligwa.

³⁶Mababa anda akapakachi bu kumbengu baweje. Ni ingota ya Nnoongo magambu bayokite kuboka kwa abawile.

³⁷Na Musa ngachalakicha kube abawile mabayoigwa. Paali pa Majandiko Gachwapi panani ji kindumba chela echikikiba chakajaka mwoto, alenga Angwana anda ‘Nnoongo jwa Ulaimu, Nnoongo jwa Isaka na Nnoongo ja Yakobo.’

³⁸Jwombe nga Nnoongo jwa ababi bwomi, nambu jwa abawileje, magambu kwakwe boa babi bwomi.”

³⁹Bange akaboli ba Malagilo ga Musa ngabalenga, “Aboli, nnyangite tela!”

⁴⁰Gambu bajendakije kunkonya yenge ilebe.

⁴¹Yesu ngabakonya, “Ilengigwabo kutenda Kilisto Nkomboi ojwapambuligwe na Nnoongo nga nchokolo jwa Daudi?

⁴²Daudi mwene alenga mukitabu cha Zabuli, ‘Angwana ana Nnoongo ngabalengela Angwana bango, Ntame kingonu chango cha kalelo

⁴³mpaka nabeke akangondwa binu kube kitebu cha kubekela makongono ginu.’

⁴⁴Anda Daudi ankema jwombe, ‘Angwana,’ lele, iyotobo kube mwana gwakwe?”

⁴⁵Bandu boa apabakiba bakampenekia, Yesu ngabalengela akinapunji bakwe,