Lucas 20:24-45

²⁴—Blu tub demi lo na. ¿Cho yek nkee loya? ¿Nu cho le nkee loya? Lee re xaa mkeb nzhé: —Cheen César, xaa nabeyy Roma.

²⁵Zee nzhé Jesús lo re xaa: —Mbay. Zaa gu lo César kwaan nak xcheen César, nu bzaa gu lo Dios kwaan nak xcheen Dios.

²⁶Nik tub kwaan nawent nanguzhalt re xaa lo re kwaan mseed Jesús. Nu gorna mbin xaa kwaan nzhé Jesús, mdedyall doo xaa zee zheta ngok re xaa.

²⁷Lee re xaa saduceo nle xgab, lee re myet xaa ngut, nanrobant. Zee ngwa lak xaa lo Jesús, zee nabdizh xaa lo Jesús, nu nzhé xaa:

²⁸—Maestr, Ches mkee lo Xkyech Dios nzhé: “Chelee tub xaabyi, xaa mchelya ngut nu nik tub xinn xaa namlaat xaa, zee lee wech xaa nzhaal chelya kwaan xngwnaa xaa ngut, zee kano xngwnaa xaa mad, zee naluxt dii cheen wech xaa”.

²⁹Tub welt ngu tub xaa nkano xop wech. Lee xaa yilotlaka mchelya, ta ngut xaa. Nu nik tub xinn xaa namlaat xaa.

³⁰Lee wech xaa, xaa nzeke tich xaa, mchelya kwaan lee me, nu noka xaa ne ngut nu nik tub mad namlaat xaa.

³¹Nu seeka ngok xaa yon. Nu yizasa gaazh xaa mchelya kwaan lee me nu nik tub xaa namlaat mad.

³²Nu gwluzhtlaka noka ngwnaa ngut.

³³Chol roban re xaa, ¿xana xaa gak xmbyi me, nel yizasa gazh xaa mka me?

³⁴Jesús nzhé lo re xaa: —Lee re myet xaa yizhyo ne nchelya.

³⁵Per lee re xaa nzhaal roban lo re xaa ngut, nu nya xaa naz yiba, nu baa nachelyatra re xaa.

³⁶Nu nyentra mod yet xaa stub welt, nel mroban re xaa zee gak xaa xinn Dios. Nu gak re xaa kwenta re mandad cheen Dios.

³⁷Nu axta Ches mlu lee re myet roban, gorna mzaa xaa kwent cheen yag kwaan kayek, gorna ngunii Xaa Nabeyy lo xaa nu nzhé xaa: “Lee na nak Dios cheen Abraham, Dios cheen Chak, Dios cheen Kob”. Ex. 3:6

³⁸¡Nel Dios nanakt Dios cheen re xaa ngut; nel Dios nak xaa nabeyy lo re xaa mban, nel lo Dios rese myet mban!

³⁹Nu lee tub maestr xaa nlu xtizh Dios, nzhé lo Jesús: —¡Maestr, wen né lu!

⁴⁰Nu gorna ngulo mded kwaane, mzheb re xaa nabdizhra xaa lo Jesús.

⁴¹Jesús mnabdizh lo re myet nu nzhé xaa: —¿Xomod nak kwaan mbezh re myet, lee Xaa Xaal Dios Nabeyy yaad naz lo dii cheen David?

⁴²Nel leeka David mkee lo yech cheen Salm nzhé: Dios, Xaa Nabeyy rese kwaan, nzhé lo Xaa Nabeyy lo na: “Zob lad li lo na,

⁴³axtaka chezhin na rese xaa nayii ne lu, zee kichxub xaa lo lu, nu zee gak xaa mod tub kwaan zhib lu nii lu tich”. Sal. 110:1

⁴⁴’Leeka David nzhé: “Lee xaa nak Xaa Nabeyy lo na”. ¿Xomod nzho mod yaad xaa dii cheen David nu leeka David mlole xaa: “Xaa Nabeyy lo na”?

⁴⁵Leezha kaseed xaa re myet zee nzhé xaa lo re xaa mseed lo xaa: