Luka 20:24-45

²⁴“Sikaven manđe e kovanica savjava poćinelpe o porez. Kašći si akaja slika thaj potpis pe leste?” A von phendine: “E carošći.”

²⁵“Askal den e carošće so si e carosko, a e Devlešće so si e Devlesko.”

²⁶Gajda naštik arakhline doš ande okova so o Isus phenda anglo them, nego ačhiline zadivime lešće naukava thaj ačhiline bi alavesko.

²⁷Askal aviline leste varesave saduceja, save phenen kaj khonik či uštela andar e mule. Thaj phučline e Isuse:

²⁸”Sikavneja, o Mojsije dijamen o zakon prema savo, ako mulo varekasko phral saves sas romnji a nas les čhavra, neka lesko phral lel lešće romnja thaj gajda akava čhavo nasledila e imovina e prvo romešći lešće dejaće thaj inđarela lesko prezime.

²⁹Gajda sas efta phral. Prvo phral oženisajlo thaj mulo a nas les čhava.

³⁰Aver phral oženisajlo lešće manušnjasa ali vi vo mulo,

³¹Askal o trito thaj gajda vi sa efta muline a či mukline čhavra.

³²Po krajo muli vi e manušnji.

³³Kašći manušnji askal voj avela kana e manuša uštena andar e mule kana sas romnji sa efta phralenđi?”

³⁴O Isus phendas lenđe: “E manuša akale themešće udainpes thaj ženinpes.

³⁵Ali okola saven o Del dićhel kaj si dostojne te ušten andar e mule či ženinape niti udainapes.

³⁶Von majbut naštik ni merena, kaj avena slične sar e anđelurja. Von si čhave e Devlešće kaj vo boldalen palpale andar e mule.

³⁷A kaj e mule uštena, godova čak vi o Mojsije potvrdisardas ando odlomko po than kaj phabolas o grmo kaj e Gospode akhardas e Avraamešće Devles, e Isakošće Devles thaj e Jakovešće Devles dumut nakon so von muline.

³⁸A o Del naj Del e mulengo nego o Del e džudengo, kaj si savora ande leste džude.

³⁹Pe godova phendine lešće varesave sikavne e Mojsiješće zakonestar: “Sikavneja!” Lačhe phendan!”

⁴⁰Thaj majbut či usdisajle khanči te phučenles.

⁴¹Askal o Isus phendas lenđe: “Sar phenen kaj si o Hristo o čhavo e carosko Davidesko?

⁴²Pa korkoro o David phenel ande knjige e psalmurja: 'Phenel o Gospod mungre Gospodešće: “Beš po počasno than paše mande

⁴³dok či položisarav e dušmajen ćiren tale ćire pungre!'”

⁴⁴Korkoro o David akhardasles pire Gospodeja. Sar askal avilosas lesko čhavo?”

⁴⁵Askal anglo sa o them, o Isus phendas pire učenikonenđe: