Ayup 20

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Andin Naamatliq Zofar jawaben mundaq dédi: —

²«Méni biaram qilghan xiyallar jawab bérishke ündewatidu, Chünki qelbim biaramliqta örtenmekte.

³Men manga haqaret keltürüp, méni eyibleydighan sözlerni anglidim, Shunga méning roh-zéhnim méni jawab bérishke qistidi.

⁴Sen shuni bilmemsenki, Yer yüzide Adem-atimiz apiride bolghandin béri,

⁵Rezillerning ghalibe tentenisi qisqidur, Iplaslarning xushalliqi birdemliktur.

⁶Undaq kishining shan-sheripi asman'gha yetken bolsimu, Béshi bulutlargha taqashsimu,

⁷Yenila özining poqidek yoqap kétidu; Uni körgenler: «U nedidur?» deydu.

⁸U chüshtek uchup kétidu, Qayta tapqili bolmaydu; Kéchidiki ghayibane alamettek u heydiwétilidu.

⁹Uni körgen köz ikkinchi uni körmeydu, Uning turghan jayi uni qayta uchratmaydu.

¹⁰Uning oghulliri miskinlerge shepqet qilishqa mejburlinidu; Shuningdek u hetta öz qoli bilen bayliqlirini qayturup béridu.

¹¹Uning ustixanliri yashliq maghdurigha tolghan bolsimu, Biraq uning maghduri uning bilen bille topa-changda yétip qalidu.

¹²Gerche rezillik uning aghzida tatliq tétighan bolsimu, U uni til astigha yoshurghan bolsimu,

¹³U uni yutqusi kelmey méhrini üzelmisimu, U uni aghzida qaldursimu,

¹⁴Biraq uning qarnidiki tamiqi özgirip, Kobra yilanning zeherige aylinidu.

¹⁵U bayliqlarni yutuwétidu, biraq ularni yanduridu; Xuda ularni ashqazinidin chiqiriwétidu.

¹⁶U kobra yilanning zeherini shoraydu, Char yilanning neshtiri uni öltüridu.

¹⁷U qaytidin ériq-östenglerge hewes bilen qariyalmaydu, Bal we sériq may bilen aqidighan deryalardin huzurlinalmaydu.

¹⁸U érishkenni yutalmay qayturidu, Tijaret qilghan paydisidin u héch huzurlinalmaydu.

¹⁹Chünki u miskinlerni ézip, ularni tashliwetken; U özi salmighan öyni igiliwalghan.

²⁰U achközlüktin esla zérikmeydu, U arzulighan nersiliridin héchqaysisini saqlap qalalmaydu.

²¹Uninggha yutuwalghudek héchnerse qalmaydu, Shunga uning bayashatliqi menggülük bolmaydu.

²²Uning toqquzi tel bolghanda, tuyuqsiz qisilchiliqqa uchraydu; Herbir ézilgüchining qoli uninggha qarshi chiqidu.

²³U qorsiqini toyghuziwatqinida, Xuda dehshetlik ghezipini uninggha chüshüridu; U ghizaliniwatqanda ghezipini uning üstige yaghduridu.

²⁴U tömür qoraldin qéchip qutulsimu, Biraq mis oqya uni sanjiydu.

²⁵Tegken oq keynidin tartip chiqiriwélginide, Yaltiraq oq uchi öttin chiqiriwélginide, Wehimiler uni basidu.

²⁶Zulmet qarangghuluq uning bayliqlirini yutuwétishke teyyar turidu, Insan püwlimigen ot uni yutuwalidu, Uning chédirida qélip qalghanlirinimu yutuwétidu.

²⁷Asmanlar uning qebihlikini ashkarilaydu; Yer-zéminmu uninggha qarshi qozghilidu.

²⁸Uning mal-dunyasi élip kétilidu, Xudaning ghezeplik künide kelkün ulghiyip öy-bisatini ghulitidu.

²⁹Xudaning rezil ademge belgiligen nésiwisi mana shundaqtur, Bu Xuda uninggha békitken mirastur».