Job 20

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Weyobi, Zofar Naamat-neggweburgined, Job-abin sogded:

²“An we-ibmar-itosad sunmakebier an-imaked. An-binsaed-oburusadba sunmakebier an itoged.

³We-ibmar-sunmaklesad-an-itosadi, isdarsunna an-imaked. An ibmar-wismogadba an abinsamogargebed.

⁴”Neg-gusad be nue-wisimakaled, gebesailanagine, we-napneggi dule-aidenonikid-akale,

⁵dule-isgana-werguedi sikwas nagudaed. Unnila sikwas yeer-itodii gudidaed, bato yog-berguar naddaed.

⁶Dule-isgana-e-san-dummarba-imakedi, amba nibnegse warmakdibe, dule-isgana-e-nono amba mogir-ebudibe,

⁷we-dule, e-ibmar-isgana-berguddaedyobi bergudoed. E-aimar sogdemaloed: ¿Bia we-dule nade?

⁸We-dule gabdaklegedyobi bergudoed, negburgan-daklegedyobi sikwas daklegoed.

⁹Dulemar, we-dule-isgana-daksagusmalad bar dakosurmalad. E-neguyagi-gudigusmaladse-bakale, bar dakosurmalad.

¹⁰We-dule-isgana-e-mimmigan, dule-wilegana-wiolesad bendakedsegad. We-dule-isgana-e-mimmigan, dule-wilesmalad-ibe ibmar-nuegan-susmaladi gannar ukedsegad.

¹¹Dule-isgana sapingwagwadgine, gandik na itodiile, ibagwengi amba neg-urba dogedsegad.

¹²”We-dule ibmar-isgana ibnuedga imakdiid, ibmar-ochiganayob dakdiid.

¹³Gwen ibmar-isgana metebigudisulid, aka egi wergudiid.

¹⁴Igi-dule ibmar-ochigwad dogdar-masale, saban-nunmaked ega ukdae, deyobi, ibmar-isgana dule-isganaga naibe-e-gichiyob gunonikoed.

¹⁵Ibmar-bukidar-emar-yardakedgi-amisad gannar e-ibe sulegoed. Bab-Dummad-sogedba gannar e-ibe bela sulegoed.

¹⁶Dule-isgana-e-isguedi naibe-e-gichiyob gued, we-gichigi dukin burgoed.

¹⁷Bela moli-nunis-bukidar, achanis-bukidar, diwar-ariomaiyob-guedgi gwen wergudii guosulid.

¹⁸Ibmar-bukidar-amisadi, gannar uknai dakledagoed, gwen egi werguosulid, egi ibmar-nued amiosulid.

¹⁹Dule-isgana dogdar dule-wilemalad wiosad, gwen negmar-e-sobsasulid emar-ibe susbalid.

²⁰”We-dule-isgana sulibinsa ibmarbina-itodii gusad, gwen ibmar-nikad itossulid. Bela ese ibmar sulemai gusad.

²¹Ibmar gwen abin sigissulid, bela ese sulesad. A-ulale, e-ibmar-nasgumaid bergudoed.

²²Ibmar-bukidar-nikadbali, sulibinsa-itodii gudoed, degidbali, ega boni-dummagan nonikoed.

²³Dule-isgana ibmarba nue-yeer-itodiidgine, Bab-Dummad egi yolenonikoed, egi ise-urwar gwichigunonikoed.

²⁴Dule-isgana aisaar gingimar-esgorogi-sobaledgi wakinbi-gudagoenad, sigu-esgoro-gordikidgi ibitogoed.

²⁵Sigu-esgoro-gordikidbiid egi yolenonikoedi, ungebigudagoenad, sigu-duku binagi buudu-noedi ungebigudagoenad. Dobedbali, surbinsa itodoed.

²⁶Negasichidi, dule-isgana-edarbenaid, soo-dule-ogaed-abesulidi, dule-isgana-obelogoed, e-negse-bakale, ogumakoed.

²⁷Nibneg, dule-isgana-e-isgusad magar-dakle imaknonikoed. Napneg, dule-isgana-isgusad barsognonikoed.

²⁸Bab-Dummad-urwenonikoed-ibagine, dule-isgana-e-neg-bukwad, dii-dummad-muredba seledoed.

²⁹Weyobi, Bab-Dummad dule-isganaga bergued nasiksad. Weyobi, Bab-Dummad, dule-isganaga bergued-igar mesisad.”