Joba 20

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Te phoeiah Naamathi Zophar loh a doo tih,

²“Te dongah ka pomnah neh kai thuung uh tih, kamah khuiah ka tawn uh dongah ni.

³Ka thuituennah he mingthae la ka yaak dongah ka yakmingnah dongah mueihla loh kai n'doo.

⁴Suen lamloh diklai dongah, hlang a khueh parhi te na ming a?

⁵Halang kah omngaih laa tah yoei tih lailak kah kohoenah khaw mikhaptok hil mai ni.

⁶A thinlennah te vaan duela cet tih a lu loh khomai duela puet cakhaw,

⁷a aek bangla a yoeyah la milh vetih, anih aka hmu rhoek loh, “Anih ta?” a ti uh ni.

⁸Mang bangla a ding phoeiah tah anih te hmu uh pawh. Khoyin kah olphong bangla khum.

⁹A mik loh a hmuh khaw rhaep mahpawh. Anih te amah hmuen ah mae voel mahpawh.

¹⁰A ca rhoek loh tattloel rhoek te a moeithen uh tih, a kut loh a thahuem te a mael uh.

¹¹A rhuh tah a cacawn rhoek bangla hah uh dae, a cacawn rhoek khaw amah neh laipi dongah ni a yalh eh.

¹²A ka dongah tui mai cakhaw, boethae te a lai tih hmui ah a thuh.

¹³Te te a hnaih tih a toeng pawt dongah a ka khui la a ma-uem.

¹⁴A bung khuikah a buh te a khui ah minta sue la poeh ni.

¹⁵Khuehtawn a dolh vaengah a bung khui lamloh lok vetih, anih te Pathen loh a talh ni.

¹⁶Minta sue loh a khut vetih, rhulthae lai loh amah a ngawn ni.

¹⁷Soklong, tuiva neh khorha kah khoitui neh suknaeng te hmuh mahpawh.

¹⁸Thatloh phu te a thuung akhaw, a hnothung kah thadueng bangla a dolh pawt dongah yoka pawh.

¹⁹Tattloel te a neet phoeiah amah loh a sak mueh im te a hnoo sak tih a rawth pah.

²⁰A bungko lamkah thayoeituipan te ming pawt tih, a nai nen khaw loeih pawh.

²¹A caak ham caknoi om pawh. Te dongah a thennah poem hae mahpawh.

²²A khuehtawn neh a hah vaengah anih te a daengdaeh vetih, thakthaekung kah kut boeih te anih soah thoeng ni.

²³Anih bung hah sak ham a taengah amah kah thintoek thinsa a tueih pah vetih, a buhcak te anih soah a tlan sak.

²⁴Thicung lungpok haica lamloh yong dae anih te rhohum lii loh a kah.

²⁵A yueh vaengah a pumpu lamloh a pawlh pah. Te vaengah a hmuet khui lamkah mueirhih te amah soah rhaek la a caeh pah ni.

²⁶Hmaisuep cungkuem te khoem hamla a tung. A hmuh mueh hmai loh anih te a hlawp vetih, a dap kah rhaengnaeng khaw a talh pah ni.

²⁷Anih kah thaesainah te vaan loh a hliphen uh vetih, diklai loh amah taengah a tai pah ni.

²⁸A thintoeknah hnin ah tah a im kah cangpai khaw a poelyoe pah vetih a hawk pah ni.

²⁹Halang hlang loh tebang khoyo te Pathen taeng lamkah a dang tih Pathen loh a ol rho la a khueh pah,” a ti.