Yoube 20

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Soufa da amane sia:i,

²Yoube! Dia sia:beba:le, na da se bagade naba. Na da hedolowane dima bu adole imunusa: dawa:lala.

³Dia waha sia:i liligi da ninima sisa:nosu gala. Be na da dima bu adole imunu dawa:.

⁴Di dawa:! Musa: hemonega, Gode da nini osobo bagade dunu osobo bagadega asunasi.

⁵Be wadela:i hou hamosu dunu afae da hahawane hou hamedafa ba:i.

⁶Amabela:? Ea bagadewane asigilale, ea dialuma da mu mobiga doaga:mu.

⁷Be ea da gulu sawa: defele, foga mini asi dagoi ba:mu. Dunu amo da e musa: dawa:digi, ilia da amo dunu da habidili asi dagoi dawa:mu.

⁸Ea da simasia amola gasia sidagane esala ba:su defele, alalolesili, bu hamedafa ba:mu.

⁹Wadela:le hamosu dunu ea da ea musa: esalebe sogebi amoga alalolesili, bu hamedafa ba:mu.

¹⁰Amasea, liligi amo ea da hame gagui dunuma wamolai, ea mano da bu ilima imunu.

¹¹Ea da:i da musa: ayeligi gasa bagade galusu, be ea da hedolowane bu gulu agoane hamomu.

¹²-

¹³Fedege agoane, wadela:i hou da ema hedai bagade. Amaiba:le, hedama:ne ea lafia musui diala.

¹⁴Be amo ha:i manu da ea hagomo ganodini bu medosu hano defele gia:sa.

¹⁵Wadela:i hamosu dunu da ea wamolai liligi huluane isole iaha. Gode da amo liligi ea hagomo ganodini dialebe, amo Hi samogesa.

¹⁶Wadela:i hamosu dunu ea da:gibi da bogosu hano agoai gala. Amo da medosu sania ea gasonasea bogobe agoai gala.

¹⁷Ea da bogomuba:le, olife susuligi hano agoane ahoabe hame ba:mu. Amola dodo maga:me amola agime hano hanodafa ahoabe agoane hame ba:mu.

¹⁸Ea hawa: hamobega: dabe lasu huluane, ea da fisimu. Ea lai bidi amoga nodone dawa:mu da hamedei ba:mu.

¹⁹Bai ea da hame gagui dunu amo hame dawa:i, amola ili banenesi. Amola ea da diasu amo dunu enoga gagui, samogene lai.

²⁰Ea uasu hou hamonanebe da hame fisisa.

²¹Ea ha:i nasea, oda dialebe da hame ba:sa. Be wali ea bagade gagui hou da hedofai dagoi.

²²Ea baligiliwane gagui dagoiba:le, ea baligili da:i dioi ba:mu. Amola banenesi dagoi ba:mu.

²³Ea hanai defele moma:ne sia:ma! Gode da Ea ougi bagade amoga ema se dabe imunu.

²⁴Ea da ouliga hamoi gegesu gobihei amoba:le hobeasea, balasega hamoi oulali da e gala:le sanasimu.

²⁵Dadi da e gala:le, badofasea, dadi si amodili maga:me dadisa. Amasea, ea da bagadewane beda:sa.

²⁶Ea gagui liligi huluane da gugunufinisi dagoi. Lalu amo da dunuga hame ulagisi, da e amola ea sosogo huluane nesa.

²⁷Hebene da ea wadela:i hou odagia ba:lesisa. Amola osobo bagade da ema hamoi amo fofada:sa.

²⁸Ea bagade gagui huluane da Gode Ea ougiga wadela:lesi dagoi ba:mu.

²⁹Gode da agoai wadela:le hamosu dunu ilima amo defele gugunufinisimusa: ilegei dagoi.”