Job 13

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Gubin ni gimed be yog, ma go kug rung’ag. Gu be nangfan ni gubin; gumnang urngin e tin gimed manang. Gathi gimed ba llowan’ boch rog.

³Machane Got e gu be tugthin ngak, gathi gimed; gu ba’adag ni nggu malu’eg thingow Got u salpeg.

⁴Gimed be upunguy fanamed minan’ ko mululufith l’ugun romed’; gimed bod e togta ni dabiyag ni nge golnag be’.

⁵Mu th’abed gulungmed, ma sana ra leamnag be’ ni gimed ba gonop!

⁶Mmotoyilgad nggu weliy salpeg.

⁷Mangfan ni gimed be ban? Gimed be finey ma pi mululfith l’ugun romed nir e ra fel’ rogon Got riy?

⁸Gimed be guy rogon ni ngam yororgad rok Got? Gimed e nga mu pithiged e oloboch rok u kort?

⁹Fa’anra fal’eg Got i yaliymed, ma gur, ra pir’eg ban’en ni bfel’? Gimed be leamnag mra yag romed ni ngam ban niged Got ni bod ni gimed ma bannag e girdi’?

¹⁰Yug errogon ni der m’ug ni gimed ba lanyan’, machane ra puwan’ ngomed,

¹¹ma feni gel gelngin e gimed ra dugow ngay.

¹²Pi thin romed e ba m’ayfan ni bod e awat; pi tugthin romed e ba me’waer ni bod e thib’ nni ngongliy ko but’.

¹³Dab ku mu nonad nggu non, mu paged fan ngog e tin nra yib riy.

¹⁴Ku gu duwgiliy u wun’ug ni nggu pagfan e pogofan rog.

¹⁵Ke mulan’ug ko gubin, are fa’anra thang Got e fan rog ma ridi’in? Nggu wan gu weliy lanin’ug ngak.

¹⁶Ya yug dab nnang me ayuwegneg, ni bochan e kug pagfan e marus ku gu weliy lanin’ug ngak, ya aram rogon ndriy be’ nib kireb nrayag ni nge sabliy Got.

¹⁷Ere mmotoyilgad nggu weliy nib tamilang.

¹⁸Kug fal’eg rogog ni nggu weliy lanin’ug, ni bochan e gu manang ni bfel’ e rog.

¹⁹Got, ka mub ni ngamog ni gag e guba kired? Fa’anra er rogon, ma dakriy ban’en ni ngog, kefel’ nggum’.

²⁰Siro’ ngom, nggu ning l’agruw i ban’en ngom; ma fa’anra bm’ag u wun’um ma dabkug guy rogon ni nggu mith rom;

²¹mu tal i gechig nigeg, magtal i dili’yeg ko morus.

²²Got, mu non nsom’on, mu gu fulweg lungum. Ara mu pageg nggu non, ma ga fulweg lungug.

²³Bogi mang e denen rog? Mang e pi kireb ni kug ngongliy? Mang e ku gu rin’ ni ka ni oloboch ngog riy?

²⁴Mang ni ka mu fek owchem rog? Mang ni ka mu teg ni gowa gu ba to’ogor?

²⁵Gimed be guy rogon ni ngam k’aringed e morus ngog? Ya gag e dariy rogog ngabang ya gu bod ba gaf i yuwan e gek’iy; gimed be cham nga bochiyang i chabung.

²⁶Ka mu tay nga babyor urngin e kireb rog, ni mus ko pin’en ni u gu rin’ ni ku gub pagel.

²⁷Ka mu chennag rifrifen eg; ma ka mup’ owchem nga gubin yay ni gu ra yif’ eg, mus nga luwan eg mag be fal’eg i yaliy.

²⁸Aram fan ni ku gu puth nga but’ ni bod e gek’iy nike gaen, fa ba wuru’ e mad nike longuy e ngal.