Job 13

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹A cungkuem he ka mik loh a hmuh coeng. Te te Ka hna yaak tih a yakming coeng.

²Nangmih kah mingnah bangla kai khaw ka ming tih nangmih kai he nangmih lakah ka toem moenih.

³Tedae kai tah Tlungthang taengah ka thui tih Pathen taengah ka ngaih bangla ka tluung lah sue.

⁴Tedae nangmih ah laithae kap tih nangmih boeih te mueirhol siboei ni.

⁵U long nim n'ngam sak lah sue? Na ngam uh lah vetih nangmih ham cueihnah la om mako.

⁶Kai kah toelthamnah hnatun dae lamtah ka hmuilai dongkah tuituknah he hnatung uh.

⁷Pathen yueng la dumlai na thui uh vetih amah yueng la vuelvaeknah na thui uh aya?

⁸A maelhmai na then sak uh vetih Pathen yueng la na ho uh aya?

⁹Nangmih te n'khe vetih hlanghing taengkah omsaa bangla a taengah na omsaa uh koinih then aya?

¹⁰Yinhnuk ah maelhmai na dan uh koinih a tluung ham khaw nangmih te ni n'tluung eh.

¹¹A boeimang loh nangmih te n'let sak tih amah kah birhihnah loh nangmih soah tla het mahpawt nim?

¹²Nangmih poekkoepnah he hmaiphu dongkah banghui, nangmih kah amkhawn khaw amlai amkhawn banghui ni.

¹³Kai taengah hilphah uh lamtah ka cal mai akhaw kamah taengah mebang khaw thoeng mai saeh.

¹⁴Balae tih ka saa te ka no dongla ka khueh vetih ka hinglu he ka kut neh ka pom eh.

¹⁵Kai n'rhaem mai cakhaw amah taengah ka ngaiuep mahpawt nim? Ka longpuei he a mikhmuh ah ka thui pueng ni.

¹⁶He khaw kai hamla khangnah la om pai. Lailak tah a mikhmuh la kun mahpawh.

¹⁷Nangmih hna dongkah ka olthui neh ka olhoe he hnatun khaw hnatun mai dae.

¹⁸Ka tang ni tila ka ming dongah laitloeknah ka tawn coeng he.

¹⁹Kai aka ho te unim? Ka ngam mai laeh vetih ka pal mai mako.

²⁰Kai taengah panit bueng saii boeh, na mikhmuh lamloh ka ying pawt ve.

²¹Na kut te kai dong lamloh lakhla sak lamtah na mueirhih neh kai n'let sak boeh.

²²Te phoeiah n'khue lamtah ka doo bitni. Ka thui saeh lamtah kai he n'thuung saeh.

²³Ka taengkah thaesainah neh tholhnah he meyet nim? Ka boekoeknah neh ka boirhaem lai kai n'tueng lah.

²⁴Balae tih na maelhmai na thuh, kai he na taengkah thunkha bangla nan moeh mai.

²⁵Hawnlae a yawn nim na na sairhing vetih divawt rhae te na hloem eh?

²⁶Kai taengah khahing te nan daek tih ka camoe thaesainah te kai nan pang sak.

²⁷Ka kho he hloong dongah nan buen tih ka caehlong boeih na ngaithuen. Ka kho dongkah khotang ham kha na vuel coeng.

²⁸Te khaw keet bangla hmawn tih himbai bangla bungbo loh a caak.