Job 13

1

2

3

4

5

6

7

8

9

11

12

13

14

19

31

38

42

¹“Din amin ay inbagbaga yo et dinngek abe ya maawatak.

²Ammok abe din ammo yo, magay nanlasinan yo.

³Ngem si Diyos ay Manakabalin Amin di laydek ay kasongbat ko ta makinilawagak en sisya.

⁴Dakayo et man-etek kayo ay mangwani en waday binmasolak. Kaman kayon doktor ay magay mailatonan ay agasana.

⁵Agpos et gominek kayo tan siya say kostos amagen yo.

⁶Dengngen yo et din iyat ko ay manpalawag maipanggep en sak-en.”

²⁰“Way dowa ay banag ay kedawek en sik-a ay Diyos, et adiak padasen ay itabonan sik-a.

²¹Isaldeng mo koma ay pomalpaligat ya ipalobos mo koma ta baken palalo di egyat ko ay makisango en sik-a.

²²Mankali ka ta songbatak ono sak-en di mankali ta songbatam.

²³Piga aya di inamag ko ay basol? Ipaammom kod di binmasolak ya nankolkolangak.