SOHP 13

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Mehkoaros me kumwail nda, I rongehr mahs. I wehwehki koaros; I pil wehwehki duwehte kumwail. I sohte mihla pahmwail.

³Ahpw I pahn akupwungiong Koht, kaidehk kumwail; I men rapahki ei pwung pahn kupwure.

⁴Kumwail kidimkihla amwail sawehwe kan likamw; kumwail duwehte toahkte kan me sohte kak kamwahwihala aramas.

⁵Kumwail dehr nda mehkot, pwe aramas en lemeleme me kumwail aramas loalokong kei!

⁶Kumwail rong duwen ei pahn patohwanda ei repenpwung.

⁷Dahme kumwail likilikamwki? Kumwail lemeleme me amwail likamw akan pahn wia kamwahu ong Koht?

⁸Kumwail songosong en doarehla? Kumwail pahn lelki sapwellime repenpwung nan mwoalen kopwung?

⁹Ma Koht pahn ketin kasawih kumwail, e pahn ketin diar mehkot mwahu rehmwail? Kumwail lemeleme me kumwail kak pitih Koht duwehte amwail pitih aramas?

¹⁰Mehnda ma amwail uhwong me rir, ahpw e pahn ketin kapwungohng kumwail,

¹¹oh sapwellime manaman pahn kadirehkinkumwailla masepwehk kowahlap.

¹²Amwail padahk kan soh katepe rasehng pehs; amwail akupwung kan me luwet rasehng pwehl.

¹³Kumwail nennenla oh mweidohng ie I en koasoi, oh I nek pein dolung wahn ei koasoi kan.

¹⁴I onopadahr I en pangala ei mour.

¹⁵Solahr ei koapworopwor, eri ia duwen ma Koht pahn ketin kemeiehla? I pahn kasalehda ei repengpwung pahn kupwure.

¹⁶Mweinele met pahn doareiehla, pwehki eh sohte aramas suwed men kak eimah mwohn silangin Koht.

¹⁷Eri, kumwail rong ei pahn sakarada.

¹⁸I onopadahr I en kasalehda ei repengpwung, pwehki ei ese me ngehi me pwung.

¹⁹Maing Koht, komwi pahn ketidohn kasalehda ei sapwung? Ma komwi pahn ketin wia met, I onopadahr I en nennenla oh mehla.

²⁰Komwi ketin mweidohng ie I en peki soahngte riau; eri komwi ketin kupwure, oh I sohte pahn song en rukusang komwi;

²¹komwi ketin katokehdi omwi kalokei ie, oh dehr kauwehkiniehla masepwehk mwuledek.

²²Maing Koht, komwi ketin mahsen mahs, I ahpw pahn sapeng. De mweidohng ie I en pato mahs, komwi ahpw ketin sapeng.

²³Ia dipei kan? Ia sapwung me I wiadahr? Ia sapwung me I dipikidahr?

²⁴Dahme komwi ketin rirkihsang ie? Dahme komwi ketin wiahkin ie imwintihti men?

²⁵Komwi songosong en kamasak ie? I rasehng tehndipw ieu; komwi mahmahweniong tehndipw meng ieu.

²⁶Komwi ketin uhkihong ie kadip kapahtou laud kei, pwehki dihp akan me I wiadahr ni ei pwulopwul.

²⁷Komwi ketin salihkidier nehi kan sel mete; komwi kin ketin mwasamwasahn kahk koaros me I kin wia, oh pil kin ketin kasawih lipwen nehi kan.

²⁸Pwehki met, I ahpw ohkilahr rasehng lepin tuhke mwoasoangoat, rasehng likou me loangenmwet kangalahr.